Lơ 19/8, ƀơi Ƀirô mă bruă, Khua mir sir dêh čar ơi Lương Cường hăng bơnai ñu git gai mông čơkă sit nik ơi pơtao Bhutan Jigme Khesar Namgyel Wangchuck hăng bơnai ñu rai čuă gưl kơnuk kơna pơ Việt Nam. Tơdơi kơ mông čơkă, dua bơnah pơphun jơnum bơkơtuai. Khua mir sir ơi Lương Cường hăng ơi pơtao Bhutan hơmâo pơtrut pran khăp pap, giang mah, tơlơi hrup amăng hơdôm rơnoh amăng tơlơi hơdip hăng tơlơi yak nao, tơlơi pơmĭn pơđĭ kyar hơđong kjăp.

Hăng pran jua anun, dua bơnah tŭ ư ƀu pơdơi hơkrŭ tơlơi rô nao rai giang mah hăng thâo hluh tơdruă, pơtrut na nao hơdôm tal čuă jơmư djop gưl; pơtrut kĭ pơkôl ngă hrŏm kiăng ba glăi tơlơi gal pok pơhai hơdôm akŏ bruă, bruă mă tong ten. Khua mir sir ơi Lương Cường hok mơ-ak lơm Bhutan pok prong tơlơi rô nao rai, ngă hrŏm sit nik hăng amra ngă gêh gal kiăng kơtưn pơlir hơbit hăng hơdôm boh dêh čar kual ASEAN. Tơdơi kơ mông jơnum bơkơtuai, ƀing khua mua lăng mông kĭ hră ngă hrŏm kơplah wah dua Kơnuk kơna hăng hră ngă hrŏm amăng bruă rơdêh por dua bơnah.