Tŭ ư tơlơi jak iâu mơ̆ng Khua mir sir ơi Lương Cường hăng Bơnai ñu, Ơi pơtao dêh čar Bhutan Jigme Khesar Namgyel Wangchuck hăng Bơnai ñu rai truh laih pơ Hà Nội, pơphun čuă jơmư gưl kơnuk kơna pơ Việt Nam mơ̆ng lơ 18 truh 22/8. Anai jing tal čuă jơmư gưl kơnuk kơna blung a pơ Việt Nam mơ̆ng Ơi pơtao Bhutan hăng Bơnai ñu dơ̆ng mơ̆ng hrơi dua boh dêh čar rô nao rai thun 2012. Mơ̆ng hrơi rô nao rai pơtom hiăp, Việt Nam lêng kơ lăng yôm tơlơi ngă hrŏm hăng Bhutan, lăng Bhutan lĕ sa amăng hơdôm boh dêh čar nao hlâo amăng bruă pơđĭ kyar mơtah mơda, bong kjăp hơnong pơkă “tơlơi yâo mơak”. Lơ̆m anun, Bhutan ăt lăng Việt nam jing sa amăng hơdôm boh dêh čar či pơtrut tui ngă hrŏm rô nao rai ăt kah hăng čang rơmang hrăm tui tơlơi thâo rơgơi đĭ kyar mơ̆ng Việt Nam.

Tui phun atur rô nao rai giăng mah klă hiam, tal rai čuă mơ̆ng Ơi pơtao kah hăng tơlơi pơpŭ mơ̆ng dêh čar Bhutan hăng tơlơi rô nao rai ngă hrŏm dua bơnah, ăt kah hăng tơlơi gơgrong bruă, tơlơi kơdrưh kơ-ang mơ̆ng Việt Nam amăng kual; laih dong pơƀuh tơlơi pơpŭ mơ̆ng Việt Nam hăng Bhutan. Tal čuă jơmư anai kiăng ba tơlơi rô nao rai dua boh dêh čar dlăm hloh, tŭ yua hloh, pơtrut tui hơdôm bruă ngă hrŏm gêh gal amuñ đĭ kyar hloh mơ̆ng dua bơnah amăng hrơi blan pơ anăp./.