Mơ̆ng lơ 1/7, hrŏm hăng đơ đam dêh čar, tơring čar Dak Lak sit nik mă yua hơdră ngă gong gai plơi pla dua gưl. Abih bang 102 bôh să, phường amăng tơring čar Dak Lak hmâo mă yua klă hơdră phrâo măi mok, pơtrut kơtang pơplih mrô amăng pơsir hră pơ-ar.

Mơnuih ƀôn sang nao pơ̆ anih anom phun bruă să, phường biă ñu pioh ngă hră pơ-ar kiăng yua kah hăng: Hră pơsit anih dô̆, hră pơsit hrơi tơkeng, lăi pơthâo mơnuih djai, hră pơgang gah ia jrao, pơsit anih dô̆, hră lŏn drŏn, pơmut hrăm... Ƀing apăn bruă, mơnuih mă bruă čar ƀơi anom hmâo gơgrong hlâo laih ngă juăt hăng bruă măi mok yua hrŏm đơ đam tơring čar. Biă ñu, Dăng kông Dak Lak hmâo pơkiăo nao laih ƀing juăt bruă măi mok hăng mơnuih mă bruă măi mok ƀơi anăp nao djru mă bruă. Hơdôm tơlơi gir run ha amăng plĕ anai djru gal brơi laih kơ mơnuih ƀôn sang lơm nao pơsir hră pơ-ar./.