Lu tơlơi tơnap, tơlơi gun dưi rơkâo đĭ kiăng tañ đing nao pơtlaih. Rơwang bruă jơlan đuăi hmar Bảo Lộc – Liên Khương lĕ črăn rơnuč mơ̆ng glông jơlan đuăi hmar Dầu Giây – Liên Khương hmâo abih bang rơwang ataih 74km. Dưi dăp hơdră prong 4 glông jơlan rơdêh đuăi, amăng rơwang sa tur jơlan prong 17m (4 glông jơlan rơdêh đuăi, rơnoh đuăi 80km/h), tuh pơplai tui jơlan gah gum hrŏm bruă mơnuih ƀôn sang hăng bruă hrŏm (PPP), djuai hră pơkôl pơdŏng – bơwih ƀong – jao glăi (BOT), hăng abih bang prăk tuh pơplai rơwang sa lĕ 17.700 klai prăk.

Hrơi man pơkra pơkă hlâo lĕ 30 blan. Pơhiăp amăng mông mă bruă, ơi Nguyễn Hồng Hải, Kơ-iăng Khua Jơnum min mơnuih ƀôn sang tơring čar Lâm Đồng rơkâo hơdôm gơnong bruă, anom bruă bơdjơ̆ nao tañ ngă giong ngă pơ-ar tui djơ̆ tơlơi pơkă. Biă ñu bruă pơsir anih anom pioh pơkra jơlan, mă pơhrui lŏn khom pơphun kơđiăng, ngă tui hơdôm bruă amăng ƀrư̆, hơdôm yak kơjăp. Gơnong bruă đang hmua hăng Rơhuông adai lŏn mơnai đing nao djru gum, pơtlaih tơnap bơdjơ̆ nao bruă pơsir anih anom pioh man pơdŏng mơ̆ng hơdôm kual pơdŏng glăi plơi pla hơđong./.