Pơhiăp črâo ba amăng mông Jơnum, ơi Trần Cẩm Tú lăi rơđah, phường Bàn Thạch khom akô̆ pơjing gong gai rơnuk anai, pơdah rơđah, bơwih brơi mơnuih ƀôn sang; pơđĭ dlông bôh thâo mơnuih apăn bruă, ngă tui pơplih mrô amăng wai lăng, pơplih phrâo bruă čar ba glăi bôh tơhnal, giăm mơnuih ƀôn sang, jê̆ mơnuih ƀôn sang.

Hrŏm hăng anun rơkâo Ping gah ƀôn prong Đà Nẵnh hăng hơdôm anih anom, gơnong bruă đing nao, djru ba, pơtlaih tơlơi tơnap kơ Bàn Thạch amăng rơwang blung a ngă tui hơdră gong gai 2 gưl. Jơnum ăt lăi pơthâo mơn tơlơi pơsit mơ̆ng Grŭp apăn bruă Ping gah ƀôn prong Đà Nẵng ruah Grŭp mă bruă Ping gah, Grŭp apăn bruă Ping gah, Khua git gai Ping gah, Kơ-iăng Khua git gai Ping gah phường Bàn Thạch, rơwang bruă 2025-2030. Grŭp mă bruă Ping gah phường hmâo 28 čô mơnuih; Grŭp apăn bruă Ping gah phường hmâo 10 čô mơnuih. Ơi Nguyễn Duy Ân, Khua hơđăp Jơnum min mơnuih ƀôn sang ƀôn prong Tam Kỳ hơđăp dưi ruah ngă Khua git gai Ping gah phường; 2 Kơ-iăng Khua git gai Ping gah phường lĕ ơi Lê Ngọc Dương hăng ơi Dương Văn Tuấn./.