Đĭ pơhiăp amăng mông bưp, Khua dêh čar ơi Phạm Minh Chính pơsit tong: Bruă pơphun pok pơhai dưm dăp, ngă hơbot anih anom ƀơi Việt nam hơmâo ngă tui khut khăt, ha amăng plĕ gơnong glông truh pơ ƀon lan. Hrŏm hăng anun pơplih glăi hăng dưm dăp anih anom brơi hruaih, klă hloh, Việt Nam đing nao phun kơ bruă pơhrŏ mơnuih apăn bruă, dưm dăp glăi brơi hơbot hăng hrưn đĭ klă tui bruă mă mơng ƀing apăn bruă, mơnuih mă bruă.

Bruă dưm dăp pơphun brơi rơđah rơđong, tong ten, tơpă sit, hơmâo tơlơi tŭ ư hrŏm mơng mơnuih ƀôn sang-ƀing mơnuih amra tŭ mă djop tơlơi dưi lơm pơplih. Yôm hloh lĕ pran jua hrưn đĭ mơng pô-khin pơplih kiăng hrưn đĭ anăp nao kơñ pơgi hiam klă ƀiă.