Pơhiăp amăng mông ngă lơphet, Đại tướng Lương Tam Quang, Khua Ding jum Kông ang brơi thâo: Plơi prong jưh jom Hà Nội jing anom phun bruă kơđi čar – bruă čar lŏn ia, anom phun kơ bơwih ƀong, bôh thâo đưm, pơtom hiăp mơ̆ng lŏn ia, hmâo pran gơgrong phara ha jăn amăng bruă pơđĭ kyar mơ̆ng djuai ania ...

Amăng rơwang 80 thun pơdŏng hăng pơđĭ kyar Plơi prong jưh jom mơ̆ng bơyan puih ngă hơkrŭ thun 1945 truh ră anai, Kông ang ƀôn prong Hà Nội hmâo gum hơgôp bruă mă phara ha jăn yôm phăn, ba glăi lu bôh tơhnal, biă ñu amăng bruă pơgang rơnuk rơnua lŏn ia, djă pioh hơđong rơnuk rơnua, pơhlôm klă mơnuih mơnam. Đại tướng Lương Tam Quang bơni hơdôm bôh than prong mơ̆ng Kông ang plơi prong jưh jom hăng lăi rơđah tơhnal yôm phăn mơ̆ng bruă pơgang rơnuk rơnua plơi pla, hơđong amăng hơdôm hrơi tơlơi rŏng lŏn tơnah bă kơ anô̆ pơplih./.