Pơhiăp amăng mông Jơnum, Khua dêh čar ơi Phạm Minh Chính lăi rơđah: Thun 2025 hmâo bôh tŭ yua yôm phăn, jing thun đĭ rơnoh, pơplih tañ pioh giong tañ, ngă truh kih Kơčăo bruă pơđĭ kyar bơwih ƀong - mơnuih mơnam 5 thun 2021-2025; đơ đam dêh čar glăk gir run prong hloh, hrưn đĭ ngă truh kih hơdôm tơhnal ba tơbiă pơđĭ kyar bơwih ƀong - mơnuih mơnam thun 2025, biă ñu rơnoh đĭ kyar amăng sa thun hmâo 8% hăng lu hloh; hrŏm hăng anun đing nao bơkơtưn ngă giong prong hơdôm bruă jao pioh čơkă mơ-ak 80 thun pơdŏng Lŏn ia; čơkă mơ-ak Jơnum Ping gah hơdôm gưl, anăp nao Jơnum Ping gah đơ đam dêh čar tal 14.

Khua dêh čar lăi lĕ, mơ̆ng ră anai truh kơ lơ 31/12/2025 kơnong kơ dô̆ 5 blan dong, mrô bruă dô̆ lu, lơm anun rơkâo ba tơbiă anom mă yua khom nao hlâo, pok jơlan, ngă phun akha, pơjing akô̆ kơ hơdôm gơnong bruă, tơring čar, ƀôn prong, pơjing pran pơtrut phrâo kơ lŏn ia, pok tơbiă anih anom pơđĭ kyar phrâo, đĭ rơnoh bơkơtưn mơ̆ng gơnam tam amăng lŏn ia hăng jar kơmar./.