Anăp nao hơdor glăi 80 thun Hrơi ngă hơkrŭ blan Čơpăn truh kih (19/8) hăng Hrơi pơdŏng lŏn ia djop mơnuih Việt Nam dưm kơnar (2/9), tôm brơi (31/7) ƀơi Hà Nội, Khua git gai Ping gah dêh čar ta ơi Tô Lâm, Khua git gia Khul ling tơhan dêh čar ta nao pơhmư̆ hăng git gai mông bưp ƀô̆ mơta ƀing apăn bruă ngă hơkrŭ đưm, pơphun tŭ hơkrŭ, Amĭ Việt Nam sông kơtang, Khua, Khul tơhan sông kơtang mơnuih ƀôn sang amăng Khul ling tơhan mơnuih ƀôn sang dêh čar Việt Nam.

Ră ruai hăng ƀing pơ ala, Khua git gai Ping gah dêh čar ta ơi Tô Lâm pơsit, truh ră anai khă amăng rơnuk rơngai, ƀing khua pơ ala hmâo pơdơi lơtret, samơ̆ ăt ngă tui mơn pran jua “Ling tơhan wa Hồ”, ăt djă mơn pran jua “pơsit ngă truh kih” jing anih kơnang kơjăp phik kơ rơnuk ană tơčô. Khua git gai Ping gah dêh čar ta ơi Tô Lâm pơmin, hăng abih pran jua, thâo gơgrong, bŏng kơjăp, bôh thâo hăng tui hluai kơ tơlơi dưi mơ̆ng rim mơnuih, ƀing khua pơ ala amra hmâo dong hơdôm tơlơi gum hơgôp pioh kơ bruă ngă hơkrŭ ư-ang mơ̆ng Ping gah, mơ̆ng mơnuih ƀôn sang hăng djuai ania; gum hrŏm bư̆ bôr, ngă tui pran kơtang, pơđĭ kyar, yâo mơ-ak, gum hrŏm hăng hơdôm bôh dêh čar djop kual kah hăng tơlơi čang rơmang mơ̆ng Wa Hồ kiăng khăp./.