Jơnum hơmâo tơlơi mut hrŏm mơng 146 čô khua mua pơ ala brơi rơbêh 7.000 čô mơnuih Ping gah. Jơnum hơmâo tŭ yap tơlơi pơtrun mơng Khul apăn bruă Ping gah tơring čar kơ bruă ruah khua mua amăng Khul apăn bruă Ping gah phường Buôn Ma Thuột rơwang thun 2025-2030 hơmâo 28 čô. Ơi Từ Thái Giang, Ding kơna Khul apăn bruă Ping gah tơring čar hơmâo ruah ngă Khua git gai Ping gah phường.

Nao git gai mông jơnum, ơi Nguyễn Đình Trung, Khua git gai Ping gah tơring čar Dak Lak đăo gơnang, hăng jơlan gah tong ten hăng gir run hloh, Ping gah hăng mơnuih ƀôn sang phường Buôn Ma Thuột amra tŏ tui yak nao kjăp amăng glông jơlan pơđĭ kyar, lăp djơ̆ hăng kơdrưh ang mơng phường tong krah, pơgôp yôm amăng bruă pơđĭ kyar tơring čar Dak Lak amăng rơwang thun 2025-2030 hăng hơdôm thun tŏ tui.