Lăi pơtong tơlơi gơgrong mơng ƀing hlăk ai amăng “djru bruă kiăng pơđĭ kyar lŏn ia”, Kơ-iăng Khua mir sir rơkâo ƀing hlăk ai rơgơi-ƀing mơnuih djru bruă kơhnâo kơhnăk amăng lŏn ia, tŏ tui pran jua pơ-ư ang djuai ania, pran khăp kơ lŏn ia, pơsit tong bruă mă, tơlơi glăm ba hăng tơlơi pơ-ư ang mơng ƀing gơñu pô kiăng gum tơngan hrŏm pơjing lŏn ia amăng rơnuk phrâo, yak nao rơnuk pơplih phrâo.

Ƀing hlăk ai rơgơi kơhnâo kiăng hluai tui tơlơi sit nik phrâo, hơdeč hmar bruă kơđi čar amăng lŏn ia hăng jar kmar; ba tơbiă hơnong pơkă, tơlơi hrưn đĭ mơng ƀing gơñu pô, pơlir hăng hơdôm akŏ bruă kơsem min amăng tơlơi hơdip mơda kiăng pơgôp sit nik, tŭ yua. Kơ-iăng Khua mir sir rơkâo Khul hlăk ai tŏ tui, pơđĭ kyar Khul kar hăng anih pơlir hơbit ƀing hlăk ai rơgơi kơhnâo, jing anih pơbưp, pơlăi nao rai, ngă lar hyu pran pơčeh phrâo, črâo ba bruă pơđĭ kyar lŏn ia.