Tlam lơ 27/7, ƀơi Điện Biên, Khua git gai Ping gah dêh čar ơi Tô Lâm git gai mông mă bruă hăng Khul apăn bruă Ping gah tơring čar kơ bruă pok pơhai hơdôm tơlơi pơtrun, tơlơi klah čun mơng gơnong glông, akŏ phun lĕ bruă pơphun Jơnum Ping gah djop gưl hăng dưm dăp anih anih anom mă bruă. Khua git gai Ping gah pơpŭ pran gơgrong, pơplih phrâo hăng gir run ngă bruă mơng Ping gah, gong gai, ling tơhan, anom bơwih ƀong sĭ mơdrô hăng mơnuih ƀôn sang djop djuai ania amăng tơring čar. Yôm hloh lĕ rơnoh pơđĭ kyar GRDP giăm 9% ha thun hăng pơhưč rơbêh 95.000 klai prăk tuh pơ alin mơnuih mơnam.

Khua git gai Ping gah dêh čar ơi Tô Lâm rơkâo pơ anăp anai, tơring čar Điện Biên kiăng lăng bruă dưm dăp glăi anih anom mă bruă tui hơdră gong gai dua gưl lĕ bruă jao kơđi čar akŏ phun; kiăng pơsit tong bruă dưm dăp ƀu djơ̆ kơnong  dŏ glăi ƀơi pơplih đôč ôh mơ̆ ăt kiăng ngă hơbot samơ̆ anăm brơi aset tui bruă mă, plai ƀiă anih samơ̆ kiăng hrưn đĭ klă bruă mă, lui hĭ anih ngă gong jơlan, laih dong pơlir tơlơi gơgrong pô, wai lăng bruă kjăp.