
Mơguah lơ 4/6, Khua dêh čar ơi Phạm Minh Chính git gai jơnum Kơnuk kơna tui tơđar blan 5/2025 ƀơi sang bruă Kơnuk kơna. Tơlơi lăi pơthâo brơi ƀuh tơlơi bơwih ƀong hơđong, bruă pơđĭ nua gơnam ča čot hơmâo pơgăn mơn, lu mrô rơnoh đĭ kyar hloh hăng blan hlâo wơ̆t hăng tơđar thun 2024. Pơtum glăi ƀơi mông jơnum, Khua dêh čar ta lăi: tơlơi bơwih ƀong huă - mơnuih mơnam pơplih klă tui, blan tơdơi klă hloh kơ blan hlâo, 5 blan akŏ thun klă hloh hăng thun hlâo.

Khua dêh čar kiăng pơƀut lăi nao 11 mơta bruă yôm phun, amăng anun lăi dlăm kiăng pơsir brơi tơlơi tơnap yơh phun ñu. Tơlơi phiăn jing tơlơi gêh gal bơkơtưn prong hloh, kiăng pơplih kơtang, ƀu yua kơ pô hlơi ôh mơ̆ yua kơ mơnuih ƀôn sang hăng djuai ania ta. Khua dêh čar kiăng ngă tŭ yua Jơlan hơdră ngă bruă “grup 4 gong tơmeh phun” mơ̆ng Ding jum kơđi čar, pơhlôm pơgang hlâo bruă mă jia mơ̆ng dêh čar Mi, pơplih phrâo hră pơ-ar ngă bruă, pơplih phrâo mrô hăng ngă hơbot anom bruă kơnuk kơna, kiăng lŏn ia đĭ kyar kjăp phik./.
Viết bình luận