Lâm Đồng pôr pơthâo hră pơtrun jao bruă khua mua phrâo
Thứ sáu, 11:20, 04/07/2025 VOV Tây Nguyên/Nay Jek pơblang VOV Tây Nguyên/Nay Jek pơblang
VOV4.Jarai-Lơ 3/7, Ping gah tơring čar Lâm Đồng jơnum pôr pơthâo bruă mă pơdjơ̆ nao ngă hră pơtrun dăp bruă khua mua sang bruă phrâo amăng djop anom bruă ping gah, kơnuk kơna gưl tơring čar.

Ƀơi mông jơnum, Ping gah tơring čar Lâm Đồng hơmâo pôr pơthâo hăng jao hră pơtrun pơpha bruă mă khua, kơ-iăng khua djop sang bruă djru bruă kơ anom bruă ping gah tơring čar hăng ping gah yua tơring čar wai lăng.

Pơhiăp đĭ amăng mông jao hră pơsit bruă mă, Y Thanh Hà Niê Kdăm, ding kơna apăn bruă ping gah dêh čar, Khua git gai ping gah tơring čar Lâm Đồng lăi pơtong, khom ba jơlan hlâo amăng djop bruă mă ƀing ngă khua, kaiwng akŏ pơjing khul apăn bruă thâo gum pơgôp, ngă djơ̆ tơlơi phiăn tơpă hăng pran jua mă bruă pơblih phrâo; tơlơi čang rơmang prong amăng sang bruă phrâo amra pơđĭ tui djơ hơnơ̆ng tơlơi thâo amăng bruă mă, ba tơring čar Lâm Đồng pơđĭ kyar hơđong kơjăp. Pran jua mă bruă khin pơmin, khin ngă bruă, thâo pơpŭ, luă gŭ nao rai amăng tơlơi thâo phara ba anŏ thâo hăng pơtrut pran jua mă bruă thâo gum pơgôp mơ̆ng bruă mă anet lu mơta amra pơjing rai atur yom amăng bruă akŏ pơdong gong gai kơnuk kơna mă bruă tơpă rơgoh tơgŭ ngă bruă yua kơ mơnuih ƀôn sang.

 

VOV Tây Nguyên/Nay Jek pơblang

Viết bình luận

TIN CÙNG CHUYÊN MỤC

Video

Klêi mtă mtăn kơ jih jang
Ŏ buôi krô
29/07/2024
Tơgŭm ƀô đô̆i tơblăh ayăt
13/07/2024
Việt Nam ngời sáng tương lai
11/07/2024