Ƀơi anăp mơta lĕ, tơring čar amra pơmut hrŏm jơlan hơdră ĕp lăng tơlơi pơhing amăng plang điện tử pôr pơthâo kơ tuai rơnguai thâo hăng boh thâo ia rơgơi soh mơ̆ng klâo boh tơring čar hơđăp, jing sa plang tơlơi pơhing điện tử kơ bruă tuai čuă ngui tơring čar phrâo. Laih dơ̆ng, pơmut hĭ hơdră ba yua gru kơnăl tơlơi pơhing tuai hyu ngui pơdah thâo amăng măi telephôn rơgơi lăi pơthâo anăn phrâo mơ̆ng dua boh tơring čar Lâm Đồng hăng Bình Thuận hơđăp pơmut glăi, akŏ pơjing app ba yua ia rơgơi hrŏm, pơhrua nao dơ̆ng hơdôm tơlơi pơhing lăi pơthâo anih tuai či nao ngui ƀơi Dak Nông.

Kiăng tŭ yua hloh, pơđĭ tui bruă kiăng tuai hyu ĕp lăng, hơdră ba yua boh thâo ia rơgơi phrâo anai ngă hrŏm hăng tơlơi pơhing pôr hăng ia rơgơi phrâo ană mơnuih pơjing rai kiăng pơdah thâo amăng plang internet gah anom bruă tuai čuă ngui. Bruă pơmut hrŏm anai, kiăng ba yua tơlơi pơhing tañ hăng hmar pơtruh brơi kơ tuai ĕp lăng djop djel, tum teč, djru bruă tuai hyu ngui čih anăn, apah anih dŏ, hơduah ĕp anih hyu ngui laih anun dăp hơdră hlâo kơ nao ngui pơ tơring čar Lâm Đồng amuñ hloh.