Ră anai Grŭp Marubeni tuh pơplai amăng bruă apui yua pơkra mơ̆ng hơdăng bôh pơtâo, sĭ hơdôm gơnam pơkra rai mơ̆ng Việt Nam. Khua dêh čar ơi Phạm Minh Chính bơni lơm Marubeni ruah Việt Nam jing anih anom ngă tui bruă pơđĭ kyar ƀơi kual Đông Nam Á, lăi tơlơi anai lăp djơ̆ hăng hơdră pơtrun pơđĭ kyar bơwih ƀong hăng dêh čar tač rơngiao mơ̆ng Việt Nam, biă ñu ngă pơhưč tuh pơplai mơ̆ng hơdôm bôh anom bơwih ƀong Japan.

Khua dêh čar čang rơmang Marubeni pok prong dong hơdôm bôh sang măi pơkĕ apui hyuh; hrŏm hăng anun, gum hrŏm hăng Grŭp Petrovietnam amăng bruă pơkĕ apui hăng angin ƀơi ia rơsĭ pioh sĭ apui lơtrik kơ hơdôm bôh dêh čar ASEAN. Khua dêh čar ăt čang rơmang mơn Marubeni djru pioh kơphê hăng braih Việt Nam sĭ lu kơ Japan ăt kah hăng pơ̆ dêh čar pơkon; Japan amra kơtưn đĭ blơi braih pơdai, gơnam ƀong, bôh troh mơ̆ng Việt Nam./.