Ƀơi mông jơnum, djop tơring čar, ƀôn prong kah hăng Hà Nội, ƀôn prong HCM, Bắc Ninh, Nghệ An, Dak Lak....lăi pơthâo boh tơhnal pơđĭ kyar amăng 6 blan akŏ thun hăng tơlơi ƀuăn ngă tui djop hơdră kiăng dưi ngă tơhnal pơkă pơđĭ kyar 8% thun 2025. Khua mua pơ ala hơdôm gơnong bruă lăi pơthâo tơlơi tơnap tap amăng bruă pơphun bruă mă gong gai kơnuk kơna 2 gưl, boh nik ñu kơƀah mơnuih mă bruă hyu ĕp lăng bruă mă, rơkâo pơđĭ tui mrô mơnuih mă bruă thâo gah bruă mă.

Klah čun amăng mông jơnum, Khua dêh čar ơi Phạm Minh Chính lăi pơtong, tơlơi bơwih ƀong huă mơnuih mơnam pơblih klă, hăng3 kual bruă đĭ tui, ƀôn prong HCM đĭ truh 7,82%, Hà Nội đĭ 7,63%. Khua dêh čar pơtrun hiăp brơi pơphun bruă mă kơ kơnuk kơna dư gưl khom hruaih, ƀu lui mơnuih ƀôn sang, sang bruă mơdrô kơđông hĭ bruă nao ngă hră pơar; pơhlôm brơi tơlơi hơđong amăng bruă mă mơnuih mơnam, bơwih ƀong huă hăng djop kơčăo bruă tuh pơ alin khom ngă djơ̆ hrơi blan pơkă.