Jơnum pơphun hăng hơdră ƀơi anăp pơ̆ anih tô nao rai lĕ Tuy Hòa, hăng tô nao rai lăng mơ̆ng ataih truh pơ̆ hơdôm anih anom tô nao rai gah hơdôm bôh să, phường: Đông Hoà, Sông Cầu, Tuy An Bắc, Phú Hoà 1, Tây Hoà, Sơn Hoà, Sông Hinh hăng Đồng Xuân. Amăng mông jơnum, Khua pơ ala kơ Khua pơ ala mơnuih ƀôn sang dêh čar hmâo lăi pơhing kơ bôh tơhnal Tal jơnum lok 9 phrâo rơgao.

Tal jơnum hmâo pel ĕp lu hơdră bruă pơđĭ kyar bơwih ƀong mơnuih ƀôn sang, pơplih mrô, kơsem min bôh thâo phrâo, pơtô pơhrăm, ia jrao, hơđong tơlơi hơdip mơda mơnuih mơnam, đing nao djru kual neh wa djuai ania ƀiă, kual čư̆ siăng - amăng anun hmâo lu bôh yôm ƀơi anăp bơdjơ̆ nao Dak Lak. Ƀing pơ ala mơnuih ƀôn sang djă pioh pran jua gơgrong mơ̆ng Khua pơ ala mơnuih ƀôn sang dêh čar, hrŏm hăng anun pơdah pran jua čang rơmang Dak Lak tañ hmâo pơsit jơlan gah pơđi kyar phrâo tơdơi kơ pơmut hrŏm, ngă tui gru grua bôh thâo đưm Dap Kơdư, pơkĕ hrŏm hăng anô̆ phara kual kơtuai hang ia rơsĭ Tŏng Krah, pioh pơdŏng tơring čar jai hrơi jai pơdrŏng asah klă hiam, tơlơi hơdip mơda mơnuih ƀôn sang jai hrơi jai klă hloh./.