Tơring čar Dak Lak lăi pơthâo 4 phun akhan mrô pioh kơ bruă gong gai plơi pla dua gưl
Thứ sáu, 10:30, 11/07/2025
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai - Čơtlăm lơ 10/7, Grŭp črâo ba kơ pơđĭ kyar bôh thâo phrâo, hơdră phrâo măi mok, pơplih phrâo pơčeh phrâo hăng pơplih mrô tơring čar Dak Lak pơphun Mông jơnum tal sa, hrŏm hăng anun lăi pơthâo, pơphun 4 phun akha mrô kiăng hloh kơ bruă git gai mơ̆ng hơdră bruă gong gai plơi pla dua gưl.
Jơnum dưi tô nao rai ƀơi anăp hăng 102 bôh să, phường amăng đơ đam tơring čar.
4 phun akha mrô dưi lăi pơthâo hmâo: phun akha bôh thâo pơčeh phrâo (AI) pioh djru mơnuih ƀôn sang hơduah ĕp tơlơi pơhing, nô̆p hră pơ-ar hăng lăng tui rơnoh pơsir hră pơ-ar bruă čar; Phun akha bơwih brơi bruă lăng mơ̆ng ataih: djru mơnuih ƀôn sang thâo hăng ngă tui bruă ngă hră pơ-ar tañ gêh gal; Dashboard git gai djă pioh djru ruah mă, lăng tui hăng djru git gai bruă jao mơ̆ng gưl tơring čar truh gưl să; hơdôm anih tŭ mă, pơsir lăi glăi mơ̆ng mơnuih mơnam pioh pơpha djuai, hơdai hyu tơlơi lăi pơthâo mơ̆ng mơnuih ƀôn sang, pioh pơsir hmao tlôn./.
Viết bình luận