Lơ 21/9 ƀơi Seattle, Khua mir sir ơi Lương Cường čơkă khua git gai pơ ala mơnuih ƀôn sang ala čar Oregon yua Khua pơ ala mơnuih ƀôn sang gơnong yŭ Nguyễn Bá Lộc ba jơlan hlâo, ƀrô tal nao Jơnum pơčrông sai hrŏm gưl khua mua pơprong Jơnum min pơ ala Sang gum hơbit djop dêh čar tal 80. Khua mir sir lăng yôm Oregon lĕ anih phun yua boh thâo phrâo, boh thâo ia rơgơi, gơnam pơkĕ măi mok hăng apui lơtrik pơkra glăi pơprong mơng dêh čar Mi, anai lĕ bơnah ngă hrŏm akŏ phun mơng Việt Nam amăng ngă hrŏm hăng pơđĭ kyar hơđong kjăp.

Việt Nam amra ngă gêh gal brơi anom bơwih ƀong sĭ mơdrô, anih pơtô hrăm Oregon pok prong ngă hrŏm, tuh pơ alin, kơsem min ƀơi Việt Nam; rơkâo tŏ tui dong yua tơlơi rô nao rai dua bơnah, pơtrut ngă hrŏm bơwih ƀong huă-sĭ mơdrô, boh thâo ia rơgơi, tuh tia pơkra gơnam pơkĕ măi mok, pơtô mơnuih mă bruă rơgơi hloh. Khua mir sir čang rơmang dêh čar Mi tañ tŭ yap tơlơi pơkă bơwih ƀong sĭ mơdrô mơng Việt Nam hăng ba Việt Nam tơbiă mơng anăn dŏ gun amăng bruă sĭ mơdrô tač rơngiao gơnam măi mok yua boh thâo ia rơgơi.