Jơnum pơƀut pơtum glăi Tơlơi pơtrun rơwang bruă 2020-2025, ba tơbiă bruă kiăng ngă amăng thun 2025-2030 hăng pơgôp hiăp kơ hră Jơnum khua mua ping gah tal 14. Khul khua gum bruă git gai ping gah rơwang bruă phrâo him lăng hơmâo 54 čô, Khul khua apăn bruă phun hơmâo 14 čô. Sa, dua čô khua prong rơkâo pơdơi bruă hơmâo laih Kơnuk kơna ta kĭ hră, pơhlôm hơmâo tơlơi tŏ tui hăng hơđong kjăp. Lăp đing nao, mơnuih mă bruă sang să, phường ăt hơmâo djă pioh na nao mơn, kiăng pơtruh tơlơi črâo bruă mơ̆ng Ping gah tơring čar truh pơ să.

Hră lăi pơthâo bruă čar kiăng truh thun 2030, Khánh Hòa jing sa boh ƀôn prong dêh čar ta, anih čuă ngui ia rơsĭ gưl jar kmar, anih djă pioh hră pơ-ar mrô amăng dêh čar hăng amăng kual, bơwih ƀong đĭ 2 mrô, anih anom jơlan nao rai amăng plơi prong phrâo, rơgơi, hơđong kjăp, anih hơdip ayuh hyiăng hơmâo wai lăng, pơgang ba, tơlơi hơdip mơnuih ƀôn sang jai hrơi đĭ tui, pơsit tơlơi gơgrong bruă đĭ kyar phrâo mơ̆ng lŏn ia./.