Lơ 21/9, ƀơi Dak Lăk, Grup pơphun pơplông Pơphun bruă bơwih ƀong Mơtah tal 11. Grup pơplppng hơmâo pơƀuh 9 kơčăo bruă rơgơi hloh mơ̆ng kual Tong Krah - Dap Kơdư  mut pơplông tal rơnuč. Mơ̆ng 26 kơčăo bruă, Grup čŏm puang ruah mă 3 kơčăo bruă črăn A hăng 6 kơčăo bruă črăn B.

Hmư̆ hing hơmâo hơdôm kơčăo bruă: Ia luil pơkra mơ̆ng hơbơi ngu (Gia Lai), pơđĭ kyar pơkra sơl hơmôk boh đung pơmut hrŏm djah djâo ngă hmua (Lâm Đồng), pla kram pioh sĭ (Quảng Ngãi), ia phong, ia kluñ mơ̆ng phun xương rồng pla mơ̆ng plơi, ia mơsăm mơ̆ng boh tăo Rangfarm (Khánh Hòa), ia phong phơn pik pơkra mơ̆ng kơđuh boh kuga (Lâm Đồng) hăng Chilinext - anŏ yôm mơ̆ng boh pơhang (Đà Nẵng). Tơdơi kơ dua tal pơplông ƀơi ƀôn prong Hồ Chí Minh hăng Dak Lăk, dêh čar ta hơmâo ruah mă 28 kơčăo bruă mut pơplông tal rơnuč. Tal ruah mơnuih mut pơplông tal rơnuč tuč rơnuč ñu pơphun ƀơi Hà Nội mơ̆ng lơ 26-28/9.