Amăng mông bưp, Khua git gai pơ ala mơnuih ƀôn sang dêh čar ơi Trần Thanh Mẫn rơkâo pơtrut kơtang bruă pơbưp nao rai khul grup, khua mua pơprong hăng djop gưl; kơtưn ngă hrŏm, pơbưp, pơlăi nao rai tơlơi găn rơgao kơplah wah dua anom bruă čih pơkra tơlơi phiăn, sit biă ñu lĕ hơdôm Jơnum min tui bruă phara amăng Ƀirô Khua pơ ala mơnuih ƀôn sang dêh čar, ƀing khua pơ ala mơnuih ƀôn sang, ƀing đah kơmơi ngă khua pơ ala mơnuih ƀôn sang hăng ƀing hlăk ai ngă khua pơ ala mơnuih ƀôn sang, ƀu djơ̆ kơnong amăng hơdôm bruă tơlơi phiăn, hơdră bruă đôč ôh mơ̆ hăng hăng hơdôm bruă amăng rŏng lŏn tơnah anun lĕ pơplih mrô, pơđĭ kyar mơtah, bong glăi ayuh hyiăng pơplih.

Dua bơnah tŭ ư tŏ tui kơtưn ngă hrŏm, hơkrŭ gum pơgôp hăng tơlơi gơgrong phun mơng kual ASEAN, sit biă ñu amăng hơdôm bruă amăng kual: gum hrŏm hăng dong yua tơdruă amăng hơdôm khul jơnum pơƀut amăng kual hăng jar kmar, sit biă ñu khul ASEAN, sang gum hơbit djop dêh čar, Khul ƀu pơlir hơbit; hơdôm Jơnum khua pơ ala mơnuih ƀôn sang djop bơnah anun lĕ Khul pơlir khua pơ ala mơnuih ƀôn sang djop dêh čar kual ASEAN (AIPA), Khul pơlir khua pơ ala mơnuih ƀôn sang rŏng lŏn tơnah (IPU), Khul pơ ala mơnuih ƀôn sang kual Asia-Thái Bình Dương (APPF).