Ƀơi mông bơbưp, Kơ-iăng khua mir sir kiăng dua bơnah pơtrut tui kơtang hloh bruă jơnum djŏp gưl, abih bang bruă mơ̆ng Ping gah, Kơnuk kơna, Kơnuk kơna hăng Ƀirô khua pơ ala mơnuih ƀôn sang, pok pơhai tŭ yua hơdôm tơlơi phiăn ngă hrŏm glăk hơmâo hăng ngă hrŏm ƀơi hơdôm mông jơnum jar kmar, kah hăng Sang gum hơbit djŏp dêh čar hăng jơnum ASEAN -EU.

Kơ-iăng khua mir sir kiăng Khua mua pơ ala mơnuih ƀôn sang dêh čar Đức pơtrut tui tơlơi rô nao rai Việt Nam - EU; sem lăng, tañ kĭ brơi Hră pơgang ba tuh pơ alin Việt Nam - EU kiăng hơmâo tơlơi pơplih klă hloh kơ tơlơi ngă hrom sĭ mơdrô - tuh pơ alin kơplah wah dua boh dêh čar; laih dong pơtrut Jơnum min kual Mi Kô̆ tañ lui hĭ “hră kơñĭ” IUU hăng akan hơdang mơ̆ng Việt Nam. Dua bơnah ăt tŭ ư ngă hrŏm amăng bruă ling tơhan - rơnuk rơnua hăng ƀơi djŏp mông jơnum lu bơnah, kiăng hơmâo tơlơi rơngai, hơđong hăng đĭ kyar kjăp phik ƀơi rŏng lŏn tơnah./.