Jơnum min mơnuih ƀôn sang tơring čar Dak Lak phrâo hmâo mông mă bruă hăng Gơnong bruă gong gai tơring čar. Pơhiăp amăng mông mă bruă, ơi Đào Mỹ, Kơ-iăng Khua Jơnum min mơnuih ƀôn sang tơring čar Dak Lak pơsit yôm tơlơi gir run ngă tui bruă jao mơ̆ng gơnong bruă gong gai amăng hơdôm hrơi rơgao.

Pơsit pơkă, hơdră bruă mă gưl să phrâo biă, lu mơnuih apăn bruă akă juăt, yua anun gơnong bruă Gong gai khom kiăo tui pơphun bruă mă mơ̆ng 102 bôh să, phường, hmao tlôn lăi pơthâo glăi Jơnum min mơnuih ƀôn sang tơring čar hơdôm tơlơi tơnap, tơlơi gun. Hmao kiăo tui bruă pơsit mrô bruă anih anom mă bruă, hơdră pơphun bruă; pơpha gưl bruă apăn; pơkiăo nao mơnuih apăn bruă Gơnong bruă, anom bruă djru gưl să pơhlôm pơsir tañ kơ mơnuih ƀôn sang. Ơi Đào Mỹ lăi rơđah, Bruă gong gai kiăng đing nao biă tơlơi djă pioh mrô, pơsit rơnoh tơnap pioh rơkâo hơdră pơtrun pơjing akô̆ bruă hrŏm pơtô brơi hơdôm gơnong bruă, anom bruă, să, phường pioh hmâo jơlan gah pơsir./.