Grup Khua pơ ala mơnuih ƀôn sang dêh čar Hàn Quốc rai čuă Đà Nẵng, kơtưn ngă hrŏm anăp nao APEC 2025
Thứ tư, 10:26, 09/07/2025
VOV/Siu Đoan Pơblang
VOV/Siu Đoan Pơblang
VOV4.Jarai-Tom brơi (8/7), Khua git gai Ping gah ƀôn prong Đà Nẵng Nguyễn Văn Quảng hơmâo mông tŭ jum hăng mă bruă tom Grup Khua pơ ala mơnuih ƀôn sang dêh čar Hàn Quốc glăk rai čuă, mă bruă ƀơi ƀôn prong Đà Nẵng, yua ơi Kim Gi-hyeon, Ding kơna Khua pơ ala mơnuih ƀôn sang dêh čar Hàn Quốc, Khua Jơnum min yôm phăn djru pơphun Jơnum APEC 2025.
Amăng mông bưp, khua git gai Ping gah ƀôn prong Đà Nẵng Nguyễn Văn Quảng brơi thâo, akŏ blan 8/2025 amra pơphun Jơnum ngui gru grua Việt - Hàn ƀơi ƀôn prong Đà Nẵng, laih dong pơlăi nao rai tơlơi truh kih mơng Jơnum ngui pơdah phim kual Asia pơphun ƀơi ƀôn prong Đà Nẵng.
Ơi Nguyễn Văn Quảng čang rơmang tŏ tui hơmâo tơlơi gum hrŏm kjăp mơng hơdôm anom bruă Kơnuk kơna hăng Khua pơ ala mơnuih ƀôn sang dêh čar Hàn Quốc kiăng kơtưn tơlơi rô nao rai giang mah, ngă hrŏm kơplah wah Việt Nam hăng Hàn Quốc lăi hrŏm, kơplah wah ƀôn prong Đà Nẵng (phrâo) hăng hơdôm boh ƀon lan ƀơi Hàn Quốc hnun mơn.
Viết bình luận