Amăng mông Jơnum tal anai gum pơhiăp kơ lu bôh yôm phăn kah hăng: Hră čih pơsit jơlan gah bruă Jơnum min thun 2026; Hră čih Akô̆ bruă pơphun Jơnum khua pơ ala Jơnum min djop djuai ania mơnuih mơnam dêh čar Việt Nam pơ̆ anăp anai; Hră čih pơkra tơlơi lăi pơthâo glăi klah čun 10 thun ngă tui Akô̆ bruă mrô 01, lơ 5/5/2015 kơ pơplih phrâo bruă pôr pơhing mơ̆ng Jơnum min djop djuai ania mơnuih mơnam dêh čar Việt Nam; Tơlơi lăi pơthâo glăi bôh tơhnal ngă tui Tơlơi pơtrun pơsit mrô 18 kơ ngă tui dưm dăp, pơmut hrŏm hơdôm khul grŭp kơđi čar – mơnuih mơnam, hơdôm khul mơnuih dưi hmâo Ping gah, Kơnuk kơna jao bruă gah Jơnum min djop djuai ania mơnuih mơnam dêh čar Việt Nam.

Kơ-iăng Khua Jơnum min djop djuai ania mơnuih mơnam dêh čar Việt Nam Nguyễn Thị Thu Hà brơi thâo djơ̆ tui tơlơi kiăng bruă jao amăng rơnuk phrâo, mơ̆ng ră anai truh abih thun 2025 hăng amăng thun 2026, hơdôm bôh anom Jơnum min pok pơhai pel ĕp, dưm dăp glăi bruă phun amăng Jơnum min, hơdôm khul apăn bruă kơđi čar – mơnuih mơnam, hơdôm khul mơnuih hơdôm gưl yua Ping gah, Kơnuk kơna jao bruă./.