Khua Jơnum min mơnuih ƀôn sang tơring čar Dak Lak pel ĕp bruă mă ƀơi gong gai gưl să
Thứ tư, 10:28, 09/07/2025 VOV Tây Nguyên/Siu Đoan Pơblang VOV Tây Nguyên/Siu Đoan Pơblang
VOV4.Jarai-Khua Jơnum min mơnuih ƀôn sang tơring čar Dak Lak ơi Tạ Anh Tuấn hơmâo nao pel ĕp sit nik bruă mă ƀơi să Krông Năng hăng phường Buôn Hồ.

Tơdơi kơ rơbêh ha wŏt hrơi tơjuh sit nik pok pơhai hơbô̆ bruă gong gai dua gưl ƀơi anih anom mă bruă phrâo, tlam (8/7), Khua Jơnum min mơnuih ƀôn sang tơring čar Dak Lak ơi Tạ Anh Tuấn hơmâo nao pel ĕp sit nik bruă mă ƀơi să Krông Năng hăng phường Buôn Hồ. Khua Jơnum min mơnuih ƀôn sang tơring čar Dak Lak ơi Tạ Anh Tuấn lăng yôm tơlơi gir run mơng djop gưl, gong gai să Krông Năng hăng phường Buôn Hồ hơmâo hrưn đĭ tŭ yua bruă wai lăng kơnuk kơna, djru brơi mơnuih ƀôn sang klă ƀiă.

Mơng hơduah ĕp, Khua Jơnum min mơnuih ƀôn sang tơring čar Dak Lak ăt lăi nao sa, dua tơlơi tơnap tap, gun găn ƀơi hơdôm anih anom anun lĕ bruă kah pơpha ngăn drăp dŏ kaih bơdjơ̆ nao bruă duh prăk hơdră djru; gơnam măi mok ngă bruă đa ƀu dưi pơlir nao rai; hơdră ba bruă prăk kak brơi gưl să, phường aka ƀu tong ten. Ơi Tuấn juh alum pran jua ƀing apăn bruă ƀơi Krông Năng hăng Buôn Hồ hơmâo tŏ tui pran gum pơgôp, găn rơgao tơnap tap, ngă tui klă hơdôm bruă jao hơmâo kah gưl, jao bruă glăm ba.

VOV Tây Nguyên/Siu Đoan Pơblang

Viết bình luận

TIN CÙNG CHUYÊN MỤC

Video

Klêi mtă mtăn kơ jih jang
Ŏ buôi krô
29/07/2024
Tơgŭm ƀô đô̆i tơblăh ayăt
13/07/2024
Việt Nam ngời sáng tương lai
11/07/2024