Hơdôm hrơi rơgao, Khua pơ ala mơnuih ƀôn sang dêh čar hmâo mă yua hơdôm Tơlơi pơtrun pơsit kơ hơdră pơtrun tuh pơplai Rơwang bruă jơlan rơdêh treng đuăi hmar ƀơi glông jơlan Kơdư – Dơnung; Tơlơi pơtrun pơsit kơ hơdră pơtrun tuh pơplai Rơwang bruă jơlan rơdêh treng Lào Cai – Hà Nội – Hải Phòng hăng Tơlơi pơtrun pơsit kơ pơphô hlâo sa dua hơdră pơkă, hơdră bruă phara ha jăn, biă ñu pioh pơđĭ kyar hơdôm glông jơlan rơdêh treng plơi prong ƀơi ƀôn prong Hà Nội, ƀôn prong Hồ Chí Minh.

Hơdôm hrơi pơ̆ anăp, Khua dêh čar ơi Phạm Minh Chính lăi lĕ bruă jao mơ̆ng Grŭp črâo ba lĕ kơdrâ̆o biă, yôm phăn, ječ, rơkâo hơdôm ƀing ding kơna Grŭp črâo ba ngă tui dong pran jua gơgrong prong. Khua dêh čar rơkâo hơdôm gưl ping gah, gong gai tơring čar, ƀôn prong pok pơhai bruă pơsir anih anom mă yua, rit đuăi anom mă bruă măi mok; amăng anun biă ñu đing nao truh bruă pơdŏng glăi anih dô̆ hơđong, djru hơđong bruă ngă đang hmua pioh mơnuih ƀôn sang hmâo anih dô̆, bruă mă hăng jơlan ĕp ƀong phrâo ƀiă biă mă ñu hăng ƀudah klă hloh kơ anih dô̆ hơđăp./.