VOV.Êđê- Khua knŭk kna mtă kơ dŭm anôk bruă bi hgŭm kjăp, mprăp mơ̆ng hnưm, msir mghaih jih klei dôk gun kpăk, rơ̆ng hnơ̆ng lehanăn hnơ̆ng tŭ jăk hră mơar ba mdah kơ Klei bi kƀĭn tal 2 mơ̆ng Bruă kƀĭn ala.

VOV.Êđê- Hruê 29/9, ti Anôk bi kƀĭn phung bi ala bruă kƀĭn ala thơ̆ng kơ bruă tal sa, wưng păn bruă gưl XVI, phung bi ala mđing brei leh klei blŭ kơ hdră bhiăn msir mghaih klei ngă soh hŏng hdră bhiăn (lŏ mlih mrâo).

VOV.Êđê- Hruê 29/9, ti Hà Nội mkŏ mjing Knăm ksiêm wĭt leh anăn mđup brei klei pah mni Klei bi lông ksiêm hriăm kơ bruă răng mgang tur knơ̆ng klei mĭn mơ̆ng Đảng hlăm phung đoàn viên, êdam êra gưl tal 2, thŭn 2026.

VOV.Êđê- Knơ̆ng bruă rŭ mdơ̆ng čar Lâm Đồng mrâo ba mdah hŏng Knơ̆ng bruă sang čư̆ êa čar hdră msir bi kjăp čuôr taluy nah dlông mâo klei klưh hroh hlăm ktuê êlan kčŭn čư̆ Prenn, êlan dơ̆ng mrô 20, kdrêč găn ƀuôn hgŭm Xuân Hương - Đà Lạt, hŏng ênoh prăk giăm 16 êklai prăk.

VOV.Êđê- Tlam hruê 28/9 ti anôk bruă Đảng gưl dlông, Khua gĭt gai Đảng, Khua lăn čar Tô Lâm mă bruă hŏng dŭm anôk bruă kơ dŭm mta phŭn djŏ tuôm kơ bruă msir mghaih dŭm klei ngă soh hlăm hdră bhiăn mnuih ƀuôn sang, hdră bhiăn knŭk kna ară anei.

VOV.Êđê- Hruê 28/9, Êpul hgŭm dŭm êpul hgŭm čar Dak Lak mkŏ mjing Klei bi kƀĭn phung bi ala gưl tal I, wưng thŭn 2026-2031, leh bi mŭt mbĭt bruă sang čư̆ êa hŏng čar Phú Yên.

VOV.Êđê- Tlam (28/09), ti Anôk bruă knŭk kna, Gĭt gai klei bi kƀĭn Anôk bruă gĭt gai gưl dlông kơ hdră mđĭ kyar klei kreh knhâo, mrâo mrang leh anăn bi mlih mrô, Khua knŭk kna Lê Minh Hưng mñă klă bruă bi mlih mta kñăm mơ̆ng Knŭk kna mrô jing mtrŭt mđĭ bruă duh mkra mrô leh anăn yang ƀuôn mrô, boh nik hnơ̆ng bruă duh mkra mrô hlăm GDP.

VOV.Êđê- Ti alŭ Tân Hạ, să Tà Năng, čar Lâm Đồng, aduôn Cil K’Hạnh (djuê ana K’ho) jing Kiăng khua bruă Đảng - Khua alŭ jhŏng ktang leh anăn jĕ giăm hŏng mnuih ƀuôn sang. Giăm 17 thŭn ngă bruă ti nah gŭ; mơ̆ng knuă druh mdrao mgŭn alŭ ƀuôn truh kơ Khua alŭ, ñu jĕ giăm nanao hŏng mnuih ƀuôn sang. Boh nik, mơ̆ng leh bi mŭt alŭ mrâo, ñu mkŏ mjing dŭm hdră bruă klă sĭt, đru mđĭ klei hdĭp mnuih ƀuôn sang, mkŏ mkra ƀuôn sang mdrŏng siam.

VOV.Êđê- Hruê mbruê 28/9, gĭt gai Klei bi kƀĭn Anôk bruă gĭt gai Knŭk kna kơ bruă hiu čhưn ênguê, Khua hlăm Anôk bruă Đảng gưl dlông, K'iăng Khua knŭk kna Phạm Thị Thanh Trà mtă thŭn 2027, grăp alŭ wăl brei mâo ƀiă êdi sa mta mnơ̆ng dhơ̆ng hiu čhưn ênguê phŭn, mdê hjăn, êdah êdi.

VOV.Êđê- Hruê mbruê 28/9, Khua gĭt gai Đảng, Khua lăn čar Tô Lâm gĭt gai klei bi kƀĭn mlan 9 mơ̆ng Anôk bruă gĭt gai gưl dlông kơ bruă bi leh klei bhiăn leh anăn hluê ngă hdră bhiăn.