VOV4.Êđê - Hruê mbruê 12/6, Khua knŭk kna Phạm Minh Chính leh anăn mô̆ ñu mbĭt hŏng Êpul bi ala gưl dlông mơ̆ng Việt Nam kčưm gưl nao čhưn ti Sweden hluê si klei iêo jak mơ̆ng Khua knŭk kna Sweden Ulf Kristersson .

VOV4.Êđê - Knơ̆ng bruă sang čư̆ êa čar Dak Lak mâo leh Hdră mtrŭn kơ bruă mkŏ mjing Êpul ngă bruă pral kñăm pŏk ngă bruă mprăp kơ klei ba yua klă sĭt mơ̆ng knŭk kna alŭ wăl gưl să, hlue si gru hmô knŭk kna alŭ wăl 2 gưl.

VOV4.Êđê - Hruê 12/6, hlăm jar bi kƀĭn bi hgŭm plah wah Anôk bruă mtrŭt mjhar mnia blei (Phŭn bruă tuh tia mnia blei) leh anăn anôk bruă mnia blei điện tử Alibaba.com, mkŏ mjing Klei bi kƀĭn lu ala čar grăp thŭn kơ klei ba čhĭ online hŏng akŏ “Ba mnơ̆ng dhơ̆ng Việt Nam ba čhĭ kluôm rŏng lăn” hŏng Knăm bi mni kơ Top 200 anôk bruă duh mkra êdah êdi hlăm Knưng mnơ̆ng ala čar Việt Nam wưng 2025 - 2026.

VOV4.Êđê - Hruê mbruê, 12-6, hlăm klei bi kƀĭn tal 9, Bruă kƀĭn ala klă sĭt bi mklă Hdră mtrŭn mơ̆ng Bruă kƀĭn ala kơ bruă dăp anôk bruă knŭk kna gưl čar thŭn 2025.

VOV4.Êđê - Klei bi lông bruă klei mrâo čar Dak Lak mkŏ mjing mơ̆ng thŭn 2021, jao klei pah mni hlăm grăp gưl kơ bruă klei mrâo êdah êdi mơ̆ng thŭn êlâo anăn.

VOV4.Êđê - Tlam 11-6 ti Hà Nội, Khua gĭt gai Đảng Tô Lâm nao čuă lehanăn kiă kriê klei mă bruă hŏng Anôk bruă hâo hưn lehanăn đru čung ba mnuih ƀuôn sang gưl dlông kơ bruă leh bi mŭt mbĭt.

VOV4.Êđê - Khua knŭk kna Phạm Minh Chính lehanăn mô̆ ñu mbĭt hŏng êpul bi ala gưl dlông Việt Nam ruĕ leh mơ̆ng anôk bi kƀĭn kơ êa ksĭ, mâo Êpul hgŭm lu ala čar mkŏ mjing gưl tal 3, lehanăn lu bruă bi kƀĭn dua nah ti ala čar Prăng, tui si klei jak iêo mơ̆ng khua knơ̆ng gĭt gai êpul hgŭm lu ala čar Antonio Guterres lehanăn khua mil čhil prăng Emmanuel Macron.

VOV4.Êđê - Lŏ dơ̆ng Klei bi kƀĭn tal 9, aguah anei, hruê 12/6, Anôk bruă kƀĭn ala bi trông ti Sang bi kƀĭn kơ bruă mkŏ dăp anôk bruă knŭk kna gưl čar thŭn 2025 lehanăn bi mklă Hdră mtrŭn kơ bruă anei.

VOV4.Êđê – Ti anăp klei adiê hjan prŏng, êa kluh, klưh lăn kyua hmăi mơ̆ng gưl angĭn êbŭ, dŭm čar Lăn dap kngư pral pŏk ngă hdră mdrơ̆ng.

VOV4.Êđê – Klei bi lông hriăm jih gưl tlâo thŭn 2025 truh giăm. Ti dŭm čar krĭng Lăn dap kngư msĕ si Kon Tum lehanăn Dak Lak, ai êwa hriăm mjuăt, thiăm mbŏ klei thâo dôk mâo mjêč êdi, boh nik ti dŭm krĭng taih kbưi, krĭng mâo lu mnuih djuê ƀiă. Mŏng adŭ hriăm ti Tu Mơ Rông truh kơ dŭm anôk bi lông ti Dak Lak, phung nai lehanăn hđeh dôk gĭr hriăm mjuăt. Anôk bruă mtô bi hriăm alŭ wăl ăt mprăp djăp hdră čiăng kơ klei bi lông thŭn anei dưi mkŏ mjing hŏng klei kjăp, êđăp ênang lehanăn djŏ klei bhiăn.