VOV.Êđê- Hluê ngă Hdră mtrŭn 21 hruê 16/6/2022 mơ̆ng Anôk kriê dlăng bruă Đảng gưl dlông tal XIII leh anăn Klei klah čŭn 58 hruê 26/6/2026 mơ̆ng Phŭn bruă kđi čar gưl XIV kơ bruă lŏ dơ̆ng bi kjăp anôk bruă Đảng nah gŭ, mđĭ hnơ̆ng tŭ jăk êpul đảng viên, klei čiăng ba anăp, bi hmô dưi mdưm hlăm jih bruă knuă leh anăn klei hdĭp. Ti Dak Lak, phung đảng viên khua thŭn dôk lŏ čuê klei ƀuăn hŏng Đảng hŏng dŭm bruă ngă siă suôr, đua klam hŏng êpul êya lehanăn ênuk gưl êdei.

VOV.Êđê- Tlam hruê 12/10, ti ƀuôn hgŭm Tuy Hòa, Nguyễn Thanh Nghị, Khua Anôk bruă hdră êlan, hdră êlan gưl dlông mbĭt hŏng Êpul bi ala bruă kƀĭn ala čar Dak Lak bi tuôm hŏng mnuih ƀuôn sang dŭm ƀuôn hgŭm Tuy Hòa, Bình Kiến leh anăn să Phú Hòa 1.

VOV.Êđê- Tlam hruê 12/10, Khua knŭk kna Lê Minh Hưng gĭt gai klei bi kƀĭn hŏng dŭm phŭn dhar bruă, anôk bruă kơ klei mkăp brei pui kmlă hlăm dŭm mlan knhal jih thŭn 2026, truh thŭn 2030 leh anăn tă hdră mkra mlih Hdră kčah pui kmlă VIII.

VOV.Êđê- Răng mgang dliê, hdĭp mda kyua dliê leh anăn dliê ƀrư̆ hruê ƀrư̆ mtah mda hĭn kyua ai dưi hơĭt kjăp mơ̆ng hdră tĭng tla bruă kriê dlăng wăl hdĭp mda dliê - anei jing klei yăl dliê klă sĭt ti čar Lâm Đồng leh êbeh 15 thŭn gĭr ktưn pŏk ngă. Hŏng ênoh prăk mơ̆ng 450 truh 500 êklai prăk grăp thŭn luôm êbeh 700.000 ha dliê, Lâm Đồng hlăk leh anăn dôk mkŏ mjing sa tur knơ̆ng kjăp čiăng kơ bruă răng mgang leh anăn mđĭ kyar dliê ƀrư̆ hruê ƀrư̆ klă sĭt, hơĭt kjăp hĭn.

VOV.Êđê- Hlăm hdră nao čhưn klă klơ̆ng ti China, tlam 12/10, ti Bắc Kinh, Khua bruă kƀĭn ala Trần Thanh Mẫn bi trông leh hŏng Triệu Lạc Tế, Khua hlăm Anôk bruă kƀĭn ala leh anăn hrăm mbĭt gĭt gai Klei bi kƀĭn tal dua Anôk bruă bi hgŭm plah wah Anôk bruă kƀĭn ala Việt Nam leh anăn Anôk bruă kƀĭn ala kluôm ala China.

VOV.Êđê- Ƀri hruê phung mnia mblei Việt Nam (13/10), Khua gĭt gai Đảng, Khua lăn čar Tô Lâm gĭt gai klei bi tuôm hŏng phung mnia mblei êdah kdlưn.

VOV.Êđê- Hlăm hdră nao čhưn klă sĭt ti China, aguah 12/10, ti ƀuôn prŏng phŭn Bắc Kinh, Khua bruă kƀĭn ala Trần Thanh Mẫn drông leh êpul phung bi hgŭm lăn čar China.

VOV.Êđê- Čiăng đru hluê ngă mta kñăm đĭ kyar bruă duh mkra dua ênoh mrô, čar Dak Lak dôk mtrŭt mđĭ bruă bi liê ngăn prăk ODA, mbĭt anăn čŏng pô iêo mkrum ngăn prăk brei čan hŏng ênoh prăk mnga hdjul mơ̆ng ala tač êngao, bi mguôp dŭm ai dưi duh bi liê kơ anôk bruă nah gŭ phŭn, mjing thiăm boh kdrŭt đĭ kyar.

VOV.Êđê-Aguah mbrue (12/10), ti Phú Phọ, bruă Đảng, knơ̆ng gĭt gai lĭng kahan alŭ wăl 2 kdrăm kơah mkŏ mjing leh knăm bi hdơr 80 thŭn hruê knhuah gru lĭng kahan (LLVT) alŭ wăl 2 (19/10) leh anăn tŭ mă anăn knăl Pô jhŏng ktang lĭng kahan yang ƀuôn.

VOV.Êđê- Ti čar Lâm Đồng, dŭm sang hră gưl prŏng, anôk ksiêm hriăm mâo lu boh tŭ kreh knhâo, kdrăp mrâo, ƀiădah amâo djŏ ƀiă ôh mnơ̆ng dhơ̆ng ka truh kơ anôk bruă duh mkra leh anăn anôk mnia mblei. Hluê ngă Hdră mtrŭn 57 mơ̆ng Phŭn bruă kđi čar kơ mđĭ kyar kreh knhâo, kdrăp mrâo, mlih mrâo hŏng klei knhêč leh anăn bi mlih mrô, Lâm Đồng dôk bi mlih mơ̆ng hdră ngă bruă hjăn jing msir mghaih dŭm "mta phŭn prŏng", mguôp ksiêm hriăm hŏng klei čiăng hlăm boh sĭt leh anăn mnia mblei mnơ̆ng dhơ̆ng, hluê hdră bi hgŭm Knŭk kna - Sang hră - Anôk bruă duh mkra.