Hluê si klei hưn mdah, klei đĭ kyar bruă duh mkra 9 mlan mơ̆ng c̆ar mâo 8.22%, ka djăp ôh hdră kc̆ah. Hlăm gưl IV, bruă rŭ mdơ̆ng brei đĭ kyar 70.27%, bruă tuh tia đĭ 25.24% c̆iăng lŏ mbŏ kơ kdrêc̆ kƀah. Čar jao kơ K'iăng khua knơ̆ng bruă sang čư̆ êa čar Trương Công Thái đua klam kơ mta kñăm prăk duh bi liê kluôm yang ƀuôn 34.586 êklai prăk, hrui wĭt ngăn prăk 7.254 êklai prăk; K'iăng khua knơ̆ng bruă sang čư̆ êa čar Đào Mỹ klam kơ dŭm hnơ̆ng kčah bruă tuh tia mkra mjing, ba čhĭ kơ ala tač êngao 765 êklăk USD leh anăn drông 1.66 êklăk gưl čô tuê hiu čhưn ênguê. Hŏng gưl să, ƀuôn hgŭm, KPI mđing kơ hrui, bi liê ngăn prăk, bi liê prăk leh anăn boh tŭ mđĭ kyar bruă duh mkra klă sĭt.

Khua knơ̆ng bruă sang čư̆ êa čar Đỗ Hữu Huy mtă kơ hnơ̆ng tĭng mkă grăp hnơ̆ng kčah, bi mklă mnuih klam bruă, bruă klam, mnơ̆ng dhơ̆ng leh anăn hruê mmông bi leh, mbĭt anăn hưn mthâo hnơ̆ng ngă bruă grăp mlan čiăng hmao ruh mgaih klei dleh dlan.