Gưl nao čhưn anei mơ̆ng Khua gĭt gai Đảng, Khua lăn čar Tô Lâm lŏ dơ̆ng bi klă bruă klam ba akŏ mơ̆ng Việt Nam, jing anôk phŭn mơ̆ng ASEAN hlăm klei bi mguôp hŏng EU. Hŏng klei găl bi hgŭm pŏk mlar leh anăn klei đăo knang kjăp kơ êdei anăp jăk siam mơ̆ng klei bi mjĕ dua tĭng, mơ̆ng tur knơ̆ng dŭm boh tŭ êdah êdi hlăm êbeh 35 thŭn êgao, gưl hiu čhưn ăt jing wưng čiăng kơ dua tĭng bi êlam hĭn dŭm tur knơ̆ng bi hgŭm yuôm bhăn, boh nik kơ bruă mnia mblei, duh bi liê, kreh knhâo - kdrăp mrâo, mtô mjuăt mnuih mă bruă, mơ̆ng anăn mkŏ mjing klei bi mjĕ Việt Nam - EU jing gru hmô hlăm klei bi hgŭm ASEAN-EU.

Hŏng Begium, gưl hiu čhưn čiăng kơ dua tĭng mjing knhuang nao yuôm bhăn kơ klei bi mguôp hlăm dŭm bruă Bỉ mâo klei găl leh anăn Việt Nam dôk mđing tal êlâo msĕ si kreh knhâo - kdrăp mrâo, chip bán dẫn, pui kmlă doh, bruă lŏ hma mtah leh anăn mlih mrâo hŏng klei mbruă, logistics leh anăn kdrŭn ksĭ thâo mĭn.