Hluê si klei tĭng yap, hlăm 5 thŭn mơ̆ng 2021 truh kơ 2025, klei yan adiê ngă ngă 1.455 čô mnuih djiê leh anăn luč, ngă luič liê êbeh 230 êbâo êklai prăk; knŏng thŭn 2025, luič liê êbeh 100 êbâo êklai prăk. Klei čih mkra hdră kčah wưng thŭn 2026-2030 mđing kơ dŭm hdră msir mdrơ̆ng hŏng angĭn êbŭ ktang, angĭn êbŭ ktang hĭn, êa lip lêč, klưh hroh lăn, êa lêč, klei kƀah êa leh anăn klei trô̆ msĭn.

Klah čŭn klei bi kƀĭn, K'iăng khua knŭk kna Hồ Quốc Dũng mtă brei pral ba mdah hdră kčah hŏng dŭm bruă klam, hdră msir klă klơ̆ng, mâo hnơ̆ng dưi hluê ngă, mâo hnơ̆ng ala čar, rơ̆ng klei bi hgŭm lu dhar bruă, lu krĭng leh anăn lu čar. Hdră kčah brei bi mklă bruă klam mơ̆ng Gưl dlông leh anăn alŭ wăl; thâo kral dŭm mta klei yan adiê ngă hŭi hyưt hluê si grăp krĭng; mguôp hdră gang mkhư̆, mdrơ̆ng hŏng klei yan adiê ngă hlăm hdră čuăl mkă, hdră kčah leh anăn dŭm hdră bruă, anôk bruă.