Hluê si hdră, ƀuôn hgŭm An Nhơn Tây mâo ênhă lăn êbeh 75 km², ƀuôn hgŭm Čư̆ Sê prŏng hlăm brô125 km², ƀuôn hgŭm Phù Mỹ mâo ênhă giăm 55 km², ƀuôn hgŭm Tây Sơn prŏng giăm 100 km², leh anăn ƀuôn hgŭm Tuy Phước prŏng hlăm brô 53 km². Êlâo anăn, boh tŭ mă klei blŭ brei ƀuh mnuih ƀuôn sang ti dŭm alŭ wăl sa ai lu hŏng hdră mkŏ mjing ƀuôn hgŭm, bi êdah klei đăo knang leh anăn čang hmăng kơ hdră mđĭ kyar mơ̆ng alŭ wăl.

Leh mkŏ dăp anôk bruă knŭk kna, čar Gia Lai mâo jih jang 135 anôk bruă knŭk kna gưl să, mâo să leh anăn ƀuôn hgŭm. Hluê si hdră êlan, truh thŭn 2028, Gia Lai srăng mkŏ mjing hră mơar mkŏ mjing ƀuôn hgŭm hŏng 8 să mâo An Lương, Cát Tiến, Đak Đoa, Đức Cơ, Ia Grai, Phù Cát, Tuy Phước Đông leh anăn Bình Khê. Truh thŭn 2030, Gia Lai mĭn tĭng lŏ mkŏ mjing hră mơar mkŏ mjing ƀuôn hgŭm hŏng 3 să Đề Gi, Chư Prông leh anăn Bình Dương.