VOV.Êđê- Ƀuôn prŏng Đà Nẵng ară anei mâo êbeh 50.000 čô ƀĭng ngă lŏ hma thâo mbruă, hlăm anăn, mâo lu gru mngač êdah êdi jing mnuih Ktu bi mlih leh klei mĭn, hdră duh ƀơ̆ng, gĭr ktưn kpưn đĭ kơ mdrŏng. Anôk bruă sang čư̆ êa alŭ wăl đru ana mjeh, prăk čan hŏng ênoh prăk mnga hdjul đru kơ mnuih ƀuôn sang pŏk mlar hnơ̆ng mkra mjing, mđĭ hnơ̆ng klei hdĭp.

VOV.Êđê- Mơ̆ng ba yua djah djâo mjing hbâo brŭ, mjing hbâo brŭ sinh học truh kơ bi hrŏ klei ba yua hbâo hoá học, lu mnuih ƀuôn sang ngă lŏ hma Dak Lak dôk bi mlih hdră pla mjing čiăng răng mgang lăn, mkiêt mkriêm prăk bi liê leh anăn mđĭ hnơ̆ng tŭ jăk mnơ̆ng dhơ̆ng lŏ hma, mđing truh kơ bruă lŏ hma mtah, wăl hdĭp mda leh anăn hơĭt kjăp.

VOV.Êđê- Hlăm 9 mlan êgao, ênoh prăk bi mnia mblei hŏng ala tač êngao boh mnga bruă lŏ hma, dliê kmrơ̆ng, kan hdang mơ̆ng čar Dak Lak mâo êbeh 2.3 êklai USD, đĭ êbeh 6% mkă hŏng wưng anei thŭn dih.

VOV.Êđê-Ti Lâm Đồng, Anôk bruă mtrŭt mđĭ bruă lŏ hma ala čar bi hgŭm hŏng Knơ̆ng bruă Lŏ hma leh anăn Wăl hdĭp mda čar mkŏ mjing klei kƀĭn trông kơ hdră kriê dlăng, krơ̆ng kjăp mrô krĭng pla mjing, mrô anôk đŭng hruh leh anăn hdră msir mđĭ hnơ̆ng tŭ jăk, pŏk mlar anôk ba čhĭ mnơ̆ng dhơ̆ng lŏ hma

VOV.Êđê- Ênoh c̆hĭ tiu lŏ wĭt đĭ hlăk ngă kơ dŭm c̆ô mnuih ƀuôn sang ngă lŏ hma ti Gia Lai pŏk phai ênhă pla mjing. Ƀiădah êlâo kơ pla mjing, klei mnuih ƀuôn sang mđing jing duah ana mjeh rơ̆ng hnơ̆ng tŭ jăk, klă phŭn agha. Ti krah lu anôk mkăp, mơ̆ng anôk bruă ksiêm duah, đang war truh kơ dŭm anôk c̆hĭ ktuê êlan, mnuih ƀuôn sang ngă lŏ hma alŭ wăl srăng ruah mjeh si ngă c̆iăng rơ̆ng boh tŭ đang pla mjing.

VOV.Êđê- Mghaih msir klei gun kpăk ba čhĭ boh durian kơ ala tač êngao jing mta phŭn ti Hdră bruă "Kphê phung duh mkra" tal 7, mâo čar Dak Lak mkŏ mjing. Dŭm klei blŭ mđing kơ bruă kriê dlăng mrô krĭng pla mjing, bi hgŭm ba čhĭ leh anăn duh bi liê mkra mjing čiăng mđĭ ênoh boh durian.

VOV.Êđê- Pla ana boh durian hlăk pŏk êlan mđĭ kyar bruă duh mkra mrâo kơ mnuih ƀuôn sang ti lu să krĭng knông lăn čar Quảng Ngãi. Amâo djŏ knŏng pŏk mlar ênhă pla, alŭ wăl dôk mtô mnuih ƀuôn sang pla mjing hluê krĭng pla, mkŏ mjing mrô, bi hgŭm anôk bruă duh mkra, ƀrư̆ mđĭ ênoh mnơ̆ng dhơ̆ng lŏ hma leh anăn mjing hdră duh ƀơ̆ng kjăp.

VOV.Êđê- Ti ƀuôn hgŭm Pleiku, Knơ̆ng bruă sang čư̆ êa čar Gia Lai leh anăn Êpul grup Muyuan (China) mâo mmông mă bruă kơ hdră duh bi liê dŭm hdră bruă rông mnơ̆ng hŏng kdrăp mrâo mrang.

VOV.Êđê- Bruă pla mjing mdiê ti Dak Lak hlăk brei ƀuh hdră êlan nao mrâo êjai bi hrŏ êwa čhŏ mơ̆ng anôk bruă lŏ hma mbĭt anăn bi hrŏ ênoh duh bi liê hluê hŏng bruă bi hrŏ ênoh mjeh, hbâo pruê, êa drao răng mgang mnơ̆ng pla mjing, ba yua êa mkiêt mkriêm leh anăn bi hrŏ klei čuh adrăng. Ti să Hoà Phú, čar Dak Lak, gru hmô pla mjing mdiê bi hrŏ êwa čhŏ mơ̆ng anôk bruă lŏ hma dưi pŏk ngă ti ênhă 24 ha ti Anôk bruă mjeh mnơ̆ng pla Hòa Xuân. Klei năng mđing mơ̆ng gru hmô amâo dôk ti bruă lŏ thiăm mbŏ dŭm bruă mkra mjing, ƀiădah jing bi mlih hdră ba yua dŭm mta mnơ̆ng yua leh anăn kriê dlăng kdrăn lŏ.

VOV.Êđê- Klei bi kƀĭn tal 3, Anôk kriê dlăng bruă Đảng gưl dlông tal XIV lŏ dơ̆ng bi mklă klei čiăng mđĭ kyar pral nao mbĭt hŏng hơĭt kjăp, mă klei kreh knhâo - kdrăp mrâo, mlih mrâo mbruă leh anăn bi mlih mtah jing boh kdrŭt mrâo dôk jing klei čiăng kluôm hlăm hdră êlan mđĭ kyar lăn čar. Hlue ngă ai tiê anei, Dak Lak dôk mđing ruh mtlaih klei kpăk, iêo jak klei duh bi liê hlăm bruă pui kmlă êran hŏng ai angĭn, bi mlih klei găl pui kmlă mrâo mrang jing boh kdrŭt đĭ kyar mrâo.