VOV.Êđê- Bruă pla mjing mdiê ti Dak Lak hlăk brei ƀuh hdră êlan nao mrâo êjai bi hrŏ êwa čhŏ mơ̆ng anôk bruă lŏ hma mbĭt anăn bi hrŏ ênoh duh bi liê hluê hŏng bruă bi hrŏ ênoh mjeh, hbâo pruê, êa drao răng mgang mnơ̆ng pla mjing, ba yua êa mkiêt mkriêm leh anăn bi hrŏ klei čuh adrăng. Ti să Hoà Phú, čar Dak Lak, gru hmô pla mjing mdiê bi hrŏ êwa čhŏ mơ̆ng anôk bruă lŏ hma dưi pŏk ngă ti ênhă 24 ha ti Anôk bruă mjeh mnơ̆ng pla Hòa Xuân. Klei năng mđing mơ̆ng gru hmô amâo dôk ti bruă lŏ thiăm mbŏ dŭm bruă mkra mjing, ƀiădah jing bi mlih hdră ba yua dŭm mta mnơ̆ng yua leh anăn kriê dlăng kdrăn lŏ.

VOV.Êđê- Ti ƀuôn hgŭm Pleiku, Knơ̆ng bruă sang čư̆ êa čar Gia Lai leh anăn Êpul grup Muyuan (China) mâo mmông mă bruă kơ hdră duh bi liê dŭm hdră bruă rông mnơ̆ng hŏng kdrăp mrâo mrang.

VOV.Êđê- Klei bi kƀĭn tal 3, Anôk kriê dlăng bruă Đảng gưl dlông tal XIV lŏ dơ̆ng bi mklă klei čiăng mđĭ kyar pral nao mbĭt hŏng hơĭt kjăp, mă klei kreh knhâo - kdrăp mrâo, mlih mrâo mbruă leh anăn bi mlih mtah jing boh kdrŭt mrâo dôk jing klei čiăng kluôm hlăm hdră êlan mđĭ kyar lăn čar. Hlue ngă ai tiê anei, Dak Lak dôk mđing ruh mtlaih klei kpăk, iêo jak klei duh bi liê hlăm bruă pui kmlă êran hŏng ai angĭn, bi mlih klei găl pui kmlă mrâo mrang jing boh kdrŭt đĭ kyar mrâo.

VOV.Êđê- Việt Nam dôk mâo krĭng kphê hnơ̆ng prŏng, hŏng êbeh 720.000 ha, hlăm anăn hlăm brô 95% jing kphê Robusta. Yan bhang mrâo êgao, ba čhĭ kphê mâo êbeh 1,5 êklăk ton, prăk hrui wĭt êbeh 8,4 êklai USD. Khă snăn, klei găl kơ ênhă leh anăn hnơ̆ng mâo ka klă sĭt jing ênoh yuôm bi knar, êjai hnơ̆ng tŭ jăk asăr kphê Robusta ăt adôk mâo dŭm klei êdu kƀah. Sa hlăm dŭm anôk kpăk jing bruă kriê dlăng, mkăp mnơ̆ng tŭ jăk kơ ana ka djŏ guôp.

VOV.Êđê- Hdră mtrŭn 36 mơ̆ng knŭk kna kơ klei bi hrŏ klei ngă hră mơar hŏng mrô krĭng pla mjing, mrô anôk đŭng hruh dôk mtrŭt mđĭ Gia Lai mkŏ wĭt bruă kriê dlăng krĭng pla mjing. Leh 55 hruê hluê ngă, čar mkăp mrâo 43 mrô krĭng pla mjing, mđĭ ênoh kluôm truh 424 mrô. Hdră mtrŭn dôk mâo klei hmăi jăk kơ bruă pla mjing ti alŭ wăl hlăk ƀĭng ngă lŏ hma mphŭn mđing čih pioh hdră kriê dlăng đang pla mjing, anôk bruă duh mkra tĭng mkă pŏk mlar krĭng pla mjing, bi dŭm alŭ wăl ksiêm dlăng klei čih pioh leh anăn ktrâo lač kơ mnuih pla mjing.

VOV.Êđê- Leh lu thŭn duh bi liê, dlăng kriê wiê ênăk, lu đang boh durian ti să Čư̆ Prŏng, čar Gia Lai dôk ti anăp klei luic̆ liê prŏng. Dŭm êbâo phŭn ana bi êluh hla, kñĭ hla, krô adhan leh anăn djiê. Ăt huĭ hyưt, klei anei mâo hlăm ênhă prŏng leh wưng hjan sui, hlăm anăn mâo dŭm ênhă boh durian dôk mprăp kơ yan hrui pĕ.

VOV.Êđê- Knơ̆ng bruă sang čư̆ êa čar Dak Lak mrâo ba mdah hdră ksiêm dlăng klei doh ê ƀăt mnơ̆ng ƀơ̆ng hŏng mnơ̆ng pla mjing ba čhĭ kơ wăl anôk mnia mblei Êpul hgŭm Ơrôp (EU) thŭn 2026, hŏng mta kñăm ksiêm dlăng klei huĭ hyưt mơ̆ng hnưm hlăm krĭng pla mjing.

VOV.Êđê- Klei bi mlih yan adiê dôk ba klei čiăng kơ mnuih ngă lŏ hma ruah mnơ̆ng rông, mnơ̆ng pla djŏ guôp hĭn hŏng klei găl mơ̆ng wăl hdĭp mda, mbĭt anăn duah thiăm boh tŭ yuôm mơ̆ng mnơ̆ng dhơ̆ng mkra mjing. Ti krĭng čư̆ čhiăng čar Khánh Hòa, gru hmô rông bê mđai mguôp hŏng bruă hiu čhưn ênguê hlăk dưi pŏk ngă hluê hdră anei. Amâo djŏ knŏng mjing hnư hrui wĭt mơ̆ng bruă rông mnơ̆ng, mnuih ƀuôn sang lŏ mđing truh mkŏ mjing krĭng pla mjing, wăl anôk ksiêm dlăng leh anăn dŭm mta mnơ̆ng dhơ̆ng mguôp hŏng wăl hdĭp mda, dhar kreh alŭ wăl.

VOV.Êđê- Ti ƀuôn hgŭm Pleiku, čar Gia Lai, Anôk bruă mtrŭt mđĭ bruă lŏ hma ala čar mkŏ mjing klei bi kƀĭn trông kơ bruă mkŏ mjing lehanăn krơ̆ng kjăp mrô krĭng pla mjing, mrô anôk đŭng hruh. Leh giăm 2 mlan hluê ngă Hdră mtrŭn 36 mơ̆ng Knŭk kna, kluôm ala mkăp mrâo 787 mrô krĭng pla mjing, dŭm klei ngă hră mơar lehanăn wưng mkăp mrô krĭng pla mjing lehanăn anôk đŭng hruh dưi bi hrŏ, bi khuăt.

VOV.Êđê- Durian jing sa hlăm dŭm ana pla mjing ba wĭt boh tŭ bruă duh mkra lu ti dŭm c̆ar krĭng Lăn Dap Kngư. Khădah snăn, c̆iăng mđĭ boh tŭ yuôm mnơ̆ng lŏ hma leh anăn pŏk mlar anôk ba c̆hĭ, boh nik jing anôk ba c̆hĭ kơ ala tac̆ êngao, klei c̆iăng kơ bruă bi mklă phŭn agha ƀrư̆ hruê ƀrư̆ mâo klei kc̆ah mtrŭn kjăp. Hlăm anăn, mrô krĭng pla mjing jing sa hlăm dŭm klei găl yuôm bhăn c̆iăng bi mklă anôk pla mjing, hdră pla mjing leh anăn phŭn agha mnơ̆ng dhơ̆ng