VOV4.Êđê-Rông đruah mmnga mă ki dôk đĭ kyar ti kdriêk Čư̆ čhiăng Nam Giang, čar Quảng Nam. Gru hmô anei tal êlâo đru kơ mnuih ƀuôn sang Kơ Tu bi mlih hdră mkra mjing mđĭ kyar bruă duh mkra, mđĭ klei hdĭp mda. Mơ̆ng anăn, lu gŏ sang tlaih ƀuh kjăp.

VOV4.Êđê- Thŭn 2025, čar Gai Lai mâo mta kñăm prŏng kơ hnơ̆ng mkăp prăk duh bi liê knŭk kna čiăng mtrŭt mđĭ kyar bruă duh mkra – ala ƀuôn. Khă snăn, leh 3 mlan gưl 1, ênoh mkăp prăk duh bi liê knŭk kna kluôm čar knŏng mâo êbeh 10%. Lu hdră bruă phŭn dôk tuôm hŏng lu klei dleh dlan, êmưt hluê ngă, hmăi truh kơ mta kñăm mđĭ kyar mơ̆ng alŭ wăl, dôk čiăng bruă sang čư̆ êa alŭ wăl pral msir mghaih.

VOV4.Êđê- Čar Dak Lak ară anei dôk ba akŏ kluôm ala kơ ênhă pla boh durian hŏng êbeh 33.000 hec-ta. Hnơ̆ng mâo êbeh 300.000 ton/thŭn. Bruă ba čhĭ hluê êlan phŭn ti wăl anôk mnia mblei China hlăm dŭm thŭn giăm anei ba wĭt leh boh tŭ dưn lu hlăm anôk bruă anei. Khă snăn, hlăk wăl anôk mnia mblei China ƀrư̆ hruê ƀrư̆ ksiêk kjăp klei kčah mtrŭn hlăm bruă bi mklă phŭn agha anôk pla mjing, klei doh êƀăt mnơ̆ng dhơ̆ng lehanăn hnơ̆ng čuăn tŭ jăk, ƀĭng ngă lŏ hma lehanăn bruă sang čư̆ êa čar Dak Lak dôk pŏk ngă pral dŭm hdră msir pla mjing jăk lehanăn doh čiăng krơ̆ng kjăp kơhưm ba čhĭ boh durian kơ wăl anôk mnia mblei phŭn anei.

VOV4.Êđê - Ăt ti ƀuôn prŏng Đà Lạt (Lâm Đồng), tlam mbruê mkŏ mjing leh Klei bi kƀĭn ksiêm wĭt hdră bruă “Mkŏ mjing klei bi blŭ hrăm hdră êlan, mđĭ klei dưi leh anăn klei thâo săng kơ klei yua mnơ̆ng dhơ̆ng lŏ hma mâo bruă klam, hrui mƀĭn leh anăn msir mgaih djah hlăm bruă mkra mjing kphê ti Việt Nam”.

VOV4.Êđê - Hlăm knăm mtrŭt mjhar, Êpul bruă čar Dak Lak iêo mthưr dŭm êpul bruă ti alŭ wăl lŏ dơ̆ng bi lar ai tiê čŏng pô, mbruă, dưn yua hdră mnêč mrâo mrang, mlih mrô leh anăn bi mguôp boh tŭ dưn čiăng mđĭ boh tŭ klei ngă bruă.

VOV4.Êđê – Gia Lai, sa hlăm dŭm anôk pla mjing kphê lu ti Việt Nam hŏng êbh 100 êbâo ha, dôk grăp knhuang bi mklă kơhưm hlăm hla kak hnơ̆ng kphê dlông rŏng lăn. Amâo djŏ knŏng dưm boh phŭn ti hnơ̆ng lu ôh, kphê Gia Lai dôk bi mlih ktang, mđing kơ hnơ̆ng jăk leh anăn ênoh yuôm tơdah mâo klei ngă bruă mơ̆ng jih anôk bruă duh mkra, ƀĭng lŏ hma leh anăn bruă sang čư̆ êa.

VOV4.Êđê – Čiăng mdrơ̆ng hŏng jia mơ̆ng Mi, mđĭ ênoh jia blei mnơ̆ng dhơ̆ng Việt Nam truh 46%, lu anôk bruă duh mkra leh anăn phung thơ̆ng kơ bruă duh mkra ti ƀuôn prŏng Hồ Chí Minh lač, brei mâo hdră msir bhiâo leh anăn sui. Êlâo hĭn jing dŭm hdră msir hŏng tač êngao, bi trông, bi kơ hnơ̆ng sui, brei duh bi liê mlih mrâo kdrăp mrâo mkra mjing, mđĭ hnơ̆ng bi ktưn mơ̆ng anôk bruă duh mkra.

VOV4.Êđê - Ƀĭng ngă lŏ hma, dŭm anôk bruă duh mkra ba čhĭ mnơ̆ng lŏ hma, dliê kmrơ̆ng kơ ala tač êngao lehanăn bruă sang čư̆ êa dŭm gưl ti Gia Lai dôk mtrŭt mđĭ bruă mprăp dŭm klei găl čiăng ba čhĭ mnơ̆ng lŏ hma mkăp djŏ hŏng klei kčah mtrŭn bi kdơ̆ng hŏng klei ngă luič dliê mơ̆ng Êpul hgŭm Ơrôp (EUDR). Bruă anei dưi bi mklă srăng mâo lu klei lông dlăng ƀiădah ăt mjing lu klei găl čiăng mđĭ kơhưm lehanăn ai bi ktưn mơ̆ng mnơ̆ng lŏ hma, dliê kmrơ̆ng alŭ wăl hlăm wăl anôk mnia mblei EU.

VOV4.Êđê- Hlăm 3 hrue (mơ̆ng hrue 25 -27/3), Êpul bi hgŭm dŭm êpul bruă čar Daklak mkŏ mjing leh klei mjuăt bi hriăm marketing mđĭ klei thâo mă bruă kơ dŭm êpul bruă hgŭm, duh mkra mnia mblei kphê hlăm čar.

VOV4.Êđê- Čar Dak Lak ară anei mâo 15 êbâô ha kbâo mkra mjing, hnơ̆ng grăp thŭn đăo tĭng 1êklăk ton. Hŏng klei pral bi hgŭm kjăp plah wah ƀĭng lŏ hma, anôk bruă duh mkra leh anăn bruă sang čư̆ êa alŭ wăl, bruă mkra mjing ƀêñ hra mơ̆ng bâo Dak Lak dôk mâo knhuang đĭ kyar kjăp, ba klei hdĭp trei mđao kơ mnuih ƀuôn sang