VOV4.Êđê - Hlăm knăm mtrŭt mjhar, Êpul bruă čar Dak Lak iêo mthưr dŭm êpul bruă ti alŭ wăl lŏ dơ̆ng bi lar ai tiê čŏng pô, mbruă, dưn yua hdră mnêč mrâo mrang, mlih mrô leh anăn bi mguôp boh tŭ dưn čiăng mđĭ boh tŭ klei ngă bruă.

VOV4.Êđê – Gia Lai, sa hlăm dŭm anôk pla mjing kphê lu ti Việt Nam hŏng êbh 100 êbâo ha, dôk grăp knhuang bi mklă kơhưm hlăm hla kak hnơ̆ng kphê dlông rŏng lăn. Amâo djŏ knŏng dưm boh phŭn ti hnơ̆ng lu ôh, kphê Gia Lai dôk bi mlih ktang, mđing kơ hnơ̆ng jăk leh anăn ênoh yuôm tơdah mâo klei ngă bruă mơ̆ng jih anôk bruă duh mkra, ƀĭng lŏ hma leh anăn bruă sang čư̆ êa.

VOV4.Êđê – Čiăng mdrơ̆ng hŏng jia mơ̆ng Mi, mđĭ ênoh jia blei mnơ̆ng dhơ̆ng Việt Nam truh 46%, lu anôk bruă duh mkra leh anăn phung thơ̆ng kơ bruă duh mkra ti ƀuôn prŏng Hồ Chí Minh lač, brei mâo hdră msir bhiâo leh anăn sui. Êlâo hĭn jing dŭm hdră msir hŏng tač êngao, bi trông, bi kơ hnơ̆ng sui, brei duh bi liê mlih mrâo kdrăp mrâo mkra mjing, mđĭ hnơ̆ng bi ktưn mơ̆ng anôk bruă duh mkra.

VOV4.Êđê - Ƀĭng ngă lŏ hma, dŭm anôk bruă duh mkra ba čhĭ mnơ̆ng lŏ hma, dliê kmrơ̆ng kơ ala tač êngao lehanăn bruă sang čư̆ êa dŭm gưl ti Gia Lai dôk mtrŭt mđĭ bruă mprăp dŭm klei găl čiăng ba čhĭ mnơ̆ng lŏ hma mkăp djŏ hŏng klei kčah mtrŭn bi kdơ̆ng hŏng klei ngă luič dliê mơ̆ng Êpul hgŭm Ơrôp (EUDR). Bruă anei dưi bi mklă srăng mâo lu klei lông dlăng ƀiădah ăt mjing lu klei găl čiăng mđĭ kơhưm lehanăn ai bi ktưn mơ̆ng mnơ̆ng lŏ hma, dliê kmrơ̆ng alŭ wăl hlăm wăl anôk mnia mblei EU.

VOV4.Êđê- Hlăm 3 hrue (mơ̆ng hrue 25 -27/3), Êpul bi hgŭm dŭm êpul bruă čar Daklak mkŏ mjing leh klei mjuăt bi hriăm marketing mđĭ klei thâo mă bruă kơ dŭm êpul bruă hgŭm, duh mkra mnia mblei kphê hlăm čar.

VOV4.Êđê- Čar Dak Lak ară anei mâo 15 êbâô ha kbâo mkra mjing, hnơ̆ng grăp thŭn đăo tĭng 1êklăk ton. Hŏng klei pral bi hgŭm kjăp plah wah ƀĭng lŏ hma, anôk bruă duh mkra leh anăn bruă sang čư̆ êa alŭ wăl, bruă mkra mjing ƀêñ hra mơ̆ng bâo Dak Lak dôk mâo knhuang đĭ kyar kjăp, ba klei hdĭp trei mđao kơ mnuih ƀuôn sang

VOV4.Êđê- Dŭm hruê anei ƀĭng lŏ hma ti Lăn Dap Kngư mŭt hlăm yan hrui pĕ tiu hlăm yan boh mnga 2024-2025. Ênoh tiu truh giăm 160 êbâo prăk/kg (hnơ̆ng ênoh yuôm hĭn mơ̆ng thŭn 2016 truh ară anei) dôk mjing thiăm klei mđĭ ai kơ mnuih ƀuôn sang kriê dlăng êlam hĭn hlăm mta ana pla mjing anei

VOV4.Êđê - Wưng pla tiu thŭn 2025 dôk mŭt hlăm klei hrui pĕ, ba mbĭt klei hơ̆k mơak kơ ƀĭng ngă lŏ hma ti čar Gia Lai, êjai ênoh tiu mâo 160.000 prăk hlăm sa kg.

VOV4.Êđê - Tiu mâo ênoh truh giăm 160.000 prăk/kg (ênoh đĭ lu êdi tĭng mơ̆ng thŭn 2016 truh kơ ară anei) mjing boh kdrŭt kơ ƀĭng ngă lŏ hma lŏ duh lu hĭn kơ mnơ̆ng pla anei.

VOV4.Êđê- Aguah 19/3, Êpul mă bruă mơ̆ng Dhar bruă duh mkra leh anăn Ngăn prăk Bruă kƀĭn ala mâo leh mmông mă bruă hŏng Knơ̆ng bruă sang čư̆ êa čar Dak Lak kơ bruă ksiêm dlăng mkra mlih hdră čuăl mkă yua lăn 2021-2030, hnơ̆ng trah dlăng 2050, leh anăn ksiêm dlăng bruă hlue ngă Hdră bhiăn lăn ala 2024.