Klei bi lông iêô jak klei hgŭm mơ̆ng 41 êpul mơ̆ng dŭm čar, ƀuôn prŏng: Sơn La, Quảng Trị, Dak Lak, Lâm Đồng, Hà Nội leh anăn ƀuôn prŏng Hồ Chí Minh. Mơ̆ng dŭm klei hrŏng ruah, 8 êpul bi lông êdah êdi mŭt leh hlăm tuôr bi lông knhal tuč, hưn mdah hdră msir kƀĭn hlăm bruă pla mjing kphê mtah, bi hrŏ djah, bruă duh mkra kluôm, mlih mrô leh anăn bi hgŭm ênoh yuôm kphê.

Dŭm êpul bi lông bi êdah ai tiê mlih mrâo mbruă ktang, mguôp hŏng klei čiăng mdrơ̆ng hŏng klei bi mlih yan adiê, răng mgang wăl hdĭp mda leh anăn mđĭ ênoh yuôm kphê. Lu hdră msir mâo boh sĭt, klei dưi bi lar jăk hlăm wưng kơ anăp. Klei bi lông mâo čang hmăng srăng lŏ dơ̆ng lar hlăm ai tiê mlih mrâo mbruă, đru mđĭ hdră bi mlih mtah leh anăn mđĭ kyar kjăp bruă kphê Việt Nam hlăm boh klei bi mlih yan adiê ƀrư̆ đĭ./.