Khua gĭt gai Đảng Tô Lâm srăng hrăm mbĭt gĭt gai Klei bi tuôm gưl dlông plah wah Đảng Cộng sản Việt Nam leh anăn Đảng Nhân dân Cách mạng Lào mơ̆ng hruê 01 truh 02/12/2025, hlue si asăp jak iêô mơ̆ng Khua gĭt gai Bruă Đảng gưl dlông Đảng Nhân dân Cách mạng Lào, Khua lăn čar Cộng hòa Dân chủ Nhân dân Lào Thongloun Sisoulith leh anăn mô̆ ñu.

Gưl nao mă bruă mơ̆ng Khua gĭt gai Đảng tal anei srăng mjing boh kdrŭt mrâo kơ klei bi hgŭm hdră bruă plah wah dua ala čar hlăm jih jang bruă. Anei srăng jing sa hlăm dŭm bruă ngă hŏng tač êngao yuôm bhăn mơ̆ng Việt Nam hlăm thŭn anei leh anăn jing gưl nao čhưn gưl Knŭk kna tal êlâo ti Lào mơ̆ng Khua gĭt gai Đảng Tô Lâm hlăm bruă mrâo. Klei anei amâo djŏ knŏng bi êdah klei sa anăn mơ̆ng Việt Nam jing mđing lu hĭn kơ klei bi hgŭm yuôm bhăn, bi hgŭm kluôm hŏng Lào, ƀiădah lŏ bi mklă klei gĭr mơ̆ng Việt Nam hŏng Lào mkŏ mjing hnơ̆ng trah dlăng mrâo, ba klei bi hgŭm dua ala čar đĭ sa hnơ̆ng mrâo hŏng klei đăo knang kđi čar lu hĭn, mjing klei êdah êdi leh anăn mđĭ boh sĭt hơĭt kjăp klei bi hgŭm dua ala čar hlăm wưng mrâo.