Klei ksiêm yap mơ̆ng Knơ̆ng bruă sang hră mtô bi hriăm čar Dak Lak, leh gưl êa lip mâo 183/243 sang hră ti dŭm să nah Ngŏ čar Dak Lak akâo đru hŏng ênoh 535.830 hdruôm hră. Lu êpul bruă hrăm mbĭt, mđup brei jih jang ênoh hdruôm hră anei kơ bruă mtô bi hriăm Dak Lak, hŏng ênoh đru hlăm brô 8,2 êklai prăk.

Leh mâo mă mơ̆ng dŭm anôk bruă đru, mơ̆ng hruê 27/11 ba leh hdruôm hră kơ dŭm sang hră leh anăn mĭn tĭng srăng bi leh êlâo kơ hruê 4/12. Hlăm gưl êa lip hƀuê ênuk mơ̆ng hruê 16-22/11, êa lip êngăp lu să nah Ngŏ čar Dak Lak, đung lu ngăn drăp mnuih ƀuôn sang leh anăn hdruôm hră, kdrăp mnơ̆ng hriăm hră mơar phung hđeh sang hră. Bruă Knơ̆ng bruă sang hră leh anăn mtô bi hriăm Dak Lak dôk mjêč ba hdruôm hră hriăm kơ dŭm alŭ wăl hmăi djŏ, srăng đru kơ thŭn hriăm hnưm lŏ mkŏ, mbĭt anăn bi hrŏ klei ktrŏ bi liê kơ gŏ sang, leh jih jang ngăn drăp êa đung jih.