VOV4.Êđê-Hlăm wưng anei, ƀĭng ngă lŏ hma čar Dak Lak dôk mŭt hlăm wưng pĕ kphê. Čiăng rơ̆ng kơ hnơ̆ng jăk mơ̆ng kphê, mđĭ kyar bruă pla mjing hơĭt kjăp, lu ƀĭng ngă lŏ hma hlăm čar rơ̆ng kơ hnơ̆ng kphê ksă êjai hrui pĕ, sa hlăm dŭm mta bi klă hnơ̆ng jăk mơ̆ng kphê.

VOV4.Êđê- Hruê mbruê (10-12), Kphê Robusta jăk mơ̆ng Việt Nam mâo mă leh klei pah mni kdlưn hĭn ti Klei bi lông “Cup Odjeta Swan 2024".

VOV4.Êđê- Hŏng klei găl leh anăn yan adiê lăn ala mdê hjăn mơ̆ng krĭng lăn hrah bazan, Gia Lai dôk ƀrư̆ bi mklă kơhưm jing sa hlăm dŭm anôk mkra mjing ana boh kroh mrô sa ti Lăn Dap Kngư. Ară anei, čar mđĭ kyar leh hlăm brô 34 êbâo ha ana boh kroh hŏng hnơ̆ng êbeh 500 êbâo ton grăp thŭn, hŏng dŭm krĭng thơ̆ng pla mjing dŭm mta ana phŭn msĕ si durian, čêñ hruê̆, mtei… Klei năng lač jing hlăm bruă mkra mjing, bruă lŏ hma dôk grăp knhuang tă hdră kơ ƀĭng lŏ hma leh anăn anôk bruă duh mkra bi mguôp kjăp čiăng ba yua klei mrâo mrang kreh knhâo hdră mnêč jăk kơ wăl hdĭp mda, mjing hdră ênoh yuôm kơ mnơ̆ng dhơ̆ng hơĭt kjăp hlăm bruă mkra mjing leh anăn mđing kơ bruă ba čhĭ kơ ala tač êngao jing anôk hơĭt kjăp.

VOV4.Êđê - Êlâo dih, kan hlăng jing mnơ̆ng ƀơ̆ng jăk snăk, mâo lu hlăm êa krông Sêrêpôk bi knông plah wah 2 čar Dak Lak leh anăn Dak Nông. Ƀiădah lu thŭn anei, mnuih ƀuôn sang ti ƀuôn prŏng Ƀuôn Ama Thuôt, čar Dak Lak leh anăn kdriêk Čư̆ Jŭt, čar Dak Nông rông leh tŭ jing kan hlăng hlăm ênao êa ba tŭ dưn kơ bruă duh mkra.

VOV4.Êđê - Wưng pla mjing kphê thŭn 2024 – 2025, ênoh kphê lŏ dơ̆ng đĭ yuôm, ngă kơ klei čiăng lĭng čan hŏng dŭm knơ̆ng bruă hrui blei – ba čhĭ kphê đĭ lu. Čiăng bi mâo djăp klei čiăng, Knơ̆ng bruă knŭk kna anôk bruă ti Dak Lak gĭt gai leh dŭm êpul bruă ngăn prăk čŏng mkăp djăp ngăn prăk.

VOV4.Êđê - Lui hĕ klei ngă bruă hđăp, krĭng pla mjing 80ha giăm ƀuôn prŏng Ƀuôn Ama Thuôt, čar Dak Lak mơ̆ng Knơ̆ng bruă duh mkra mnia mblei Sweet Potatoes jing krĭng lăn sah kba yua pô lăn tuôm brei dŭm êpul êya, grăp čô mưn pla hbei ƀlang hlăm lu thŭn. Wưng pla mjing tal êlâo pla hruê̆ hbei hlăm krĭng lăn anei, lu mnuih bi hŭi hyưt amâo srăng mâo hbei leh anăn lu mnơ̆ng ngă. Ƀiădah Sweet Potatoes dưi tŭ jing. Êlâo dih, phung pla hbei ti Lăn Dap Kngư mâo 30 tôn hlăm sa ha jing ƀiă sơnăk. Ƀiădah đang hbei mơ̆ng knơ̆ng bruă mâo truh 50 tôn hlăm sa ha.

VOV4.Êđê - Čiăng rơ̆ng bruă ksiêm dlăng dliê ti dŭm čar krĭng Lăn dap kngư hlăm thŭn 2025, tlam mbruê, 28/11, Phŭn bruă Lŏ hma mđĭ kyar krĭng ƀuôn sang mkŏ mjing leh Klei bi kƀĭn pŏk hdră ksiêm dlăng dliê ti dŭm čar krĭng Lăn dap kngư kñăn ba mdah dŭm hdră msir mkŏ mjing lehanăn hluê ngă.

VOV4.Êđê - Hruê mbruê (28/11), Knơ̆ng bruă lŏ hma leh anăn mđĭ kyar krĭng ƀuôn sang čar Dak Lak mkŏ mjing klei bi kƀĭn “Ksiêm dlăng Hdră mtrŭn mrô 24/2017 mơ̆ng Êpul gơ̆ng bruă ƀuôn sang čar kơ klei mđĭ kyar kphê hơĭt kjăp truh thŭn 2020, tă hdră truh thŭn 2030”, Ksiêm wĭt yan kphê 2023- 2024.

VOV4.Êđê - Leh êbeh 2 thŭn pŏk ngă hdră mtrŭn 749 kơ klei mlih mrô ala čar, čar Kon Tum mâo dŭm boh tŭ klă klơ̆ng, boh nik hlăm bruă lŏ hma. Čar dôk gĭr ruh mgaih klei gun kpăk čiăng mlih mrô ktang hĭn, mđing mkŏ mjing bruă lŏ hma thâo mĭn, krĭng ƀuôn sang mrâo mrang.

VOV4.Êđê - Mơ̆ng thŭn 2019 truh kơ ară anei, lu gŏ sang ti dŭm kdriêk Lak, Krông Bông, čar Dak Lak lông rông leh anăn tŭ jing hŏng bruă rông hluăt mă mrai. Boh nik jing dŭm krĭng taih kbưi, bruă rông hluăt mă mrai dưi ba wĭt boh tŭ dưn klă nik.