Lâm Đồng ară anei mâo 16.000 ha makka, truh 34% ênhă makka hlăm kluôm ala čar, hnơ̆ng mâo thŭn 2025 truh 13.700 ton, hnư hrui wĭt mơ̆ng 100 – 300 êklăk prăk/thŭn tui hluê hdră pla mjing. Čiăng kơ makka jing sa hlăm dŭm mta mnơ̆ng pla ba wĭt hnư hrui wĭt lu kơ čar, Lâm Đồng dôk čuăl krĭng, ba ênhă makka kluôm čar thŭn 2030 đĭ êbeh 37.000ha, hŏng hnơ̆ng mâo 48.000 ton, ênoh mkra mjing êbeh 90%.

Hluê si Nguyễn Hà Lộc, kơiăng khua knơ̆ng bruă Lŏ hma lehanăn Wăl hdĭp mda čar Lâm Đồng, mbĭt hŏng dŭm mta mnơ̆ng pla mkăn, makka jing sa anôk bruă mâo lu klei găl mơ̆ng čar. Čiăng dưi mâo mta kñăm, êngao kơ mđĭ hnơ̆ng tŭ jăk mơ̆ng mjeh, mtrŭt mđĭ hdră bi hgŭm pla mjing kluôm, čar srăng mđing mđĭ kyar hluê hdră lŏ hma ba yua kdrăp mrâo lehanăn ba yua kdrăp kreh knhâo čiăng mđĭ boh tŭ yuôm anôk bruă, đru kơ ƀĭng ngă lŏ hma pla mjing hluê hdră kjăp./.