VOV4.Êđê - Hlăm wưng anei, ƀĭng ngă lŏ hma Dak Lak dôk mŭt hlăm wưng hrui pĕ kphê. Čiăng rơ̆ng kơ hnơ̆ng tŭ jăk kphê, mđĭ kyar hơĭt kjăp, lu ƀĭng ngă lŏ hma hlăm čar kñăm kơ bruă hrui pĕ, mkra mjing jing sa hlăm dŭm mta bi klă hnơ̆ng tŭ jăk kphê mơ̆ng alŭ wăl.

VOV4.Êđê- Mđĭ lar klei găl, klei mâo, dŭm thŭn giăm anei čar Kon Tum mđĭ ktang bruă mđĭ kyar ana êa drao hŏng klei gĭr ba čar jing krĭng ana êa drao phŭn ala čar leh anăn jing anôk mkra mjing ana êa drao prŏng hĭn kluôm ala hlăm thŭn 2025. Boh sĭt brei ƀuh mbĭt hŏng dŭm ala êa pla mjing mkăp mnơ̆ng ƀơ̆ng huă, ana mkra mjing, msĕ si mdiê, hbei ƀlang, kphê… bruă pla ana êa drao dôk đru kơ mnuih ƀuôn sang Kon Tum mđĭ prăk hrui wĭt, klei hdĭp ƀrư̆ trei mđao, jăk mơak hĭn. Khădah snăn bruă pŏk mlar ênhă, ƀiădah ba yua hdră mkra mjing ana êa drao ka hrăm mbĭt ngă mâo lu klei mnơ̆ng ngă, luč liê kơ ƀĭng lŏ hma.

VOV4.Êđê- Knơ̆ng bruă sang čư̆ êa čar Kon Tum bi mklă mbŏ hdră bruă kreh knhâo kdrăp mrâo gưl čar, mkŏ mjing klei kreh knhâo leh anăn boh sĭt čiăng čih anăn pŏk mlar hnơ̆ng răng mgang klei bi mlă anôk pla mjing “Ngọc Linh” kơ mnơ̆ng dhơ̆ng sâm hbei ti čar Kon Tum.

VOV4.Êđê- Hdră mtrŭn mrô 09-NQ/TU kyua Anôk dlăng bruă Đảng čar Gia Lai (gưl XV) thŭn 2019 kơ răng mgang leh anăn mđĭ kyar ana êa drao ti čar Gia lai truh thŭn 2025, tă hdră truh thŭn 2030, kčah hdră kñăm kriê dlăng, ba yua hơ̆it kjăp ana êa drao čŏng mâo; mkŏ mjing dŭm krĭng ana êa drao mguôp hŏng anôk mkra mjing ti alŭ wăl. Truh ară anei, dŭm boh tŭ tal êlâo hlue ngă hdră mtrŭn pŏk leh hdră mđĭ kyar bruă duh mkra kơ mnuih ƀuôn sang Gia lai mơ̆ng ana êa drao.

VOV4.Êđê - Ba boh mnga hlăm anôk čhĭ mnia điện tử ară anei jing leh sa mbah čhĭ mñia boh mnga yuôm bhăn mơ̆ng lu ƀĭng ngă lŏ hma ti Dak Nông. Êjai klei čhĭ mnia mâo klei jăk hlăm dŭm mbah điện tử ƀuăn srăng mtrŭt mđĭ klei mlih mrô hlăm bruă lŏ hma ti alŭ wăl. Hluê anăn, bi mlih klei mĭn bruă lŏ hma, bi hrŏ êwang kpleh mơ̆ng klei mkra mjing truh kơ blei ba yua, mđĭ hĭn boh tŭ bruă duh mkra.

VOV4.Êđê - Ară anei lu ƀĭng ngă lŏ hma ti Dak Lak dôk koh lui hĕ dŭm ana pla mjing mkăn leh anăn bi kluh pla durian hŏng klei hmăng hmưi mâo hnư hrui wĭt lu hĭn. Klei bi kluh pla sơnăn ngă truh lu klei amâo mâo jăk amâo djŏ knŏng hŏng phung pla mjing ƀiădah wăt kơ bruă pla mjing durian.

VOV4.Êđê - Tlam mbrue (12/11), phung khua kiă kriê knơ̆ng bruă lŏ hma čar Lâm Đồng hưn, mâo leh 330 gŏ sang mnuih ƀuôn sang bi tŭ ư hŏng ênoh čiu hnô klei luič liê mơ̆ng êmô mă êa ksâo leh tlŏ mgang hŏng mta vaccine gang mkhư̆ klei ruă bĭ bŏk gŭ klĭt Navet -LpVac mơ̆ng knơ̆ng bruă Navetco.

VOV4.Êđê - Dak Lak jing čar dôk mrô sa krĭng wăl Lăn Dap Kngư leh anăn dôk hlăm êpul 10 čar, ƀuôn prŏng mâo ênoh sang rông čĭm iăt prŏng hĭn kluôm ala.

VOV4.Êđê - Hluê ngă hdră mtrŭn Klei kƀĭn kluôm bruă Đảng čar gưl 16, wưng thŭn 2020 – 2025, 4 thŭn êgao čar Kon Tum pla mrâo giăm 18.000ha dliê, lu hĭn giăm 3.000ha mkă hŏng hdră kčah hlăm hdră mtrŭn. Amâo djŏ knŏng êgao hdră kčah pla dliê hnưm hĭn 1 thŭn, mơ̆ng klei gĭt gai, ktrâo lač mơ̆ng bruă Đảng čar Kon Tum mâo leh klei mlih hlăm klei thâo mĭn, hdră ngă mơ̆ng dŭm gưl bruă, dhar bruă leh anăn mnuih ƀuôn sang mđĭ kyar dliê kmrơ̆ng hơĭt kjăp.

VOV4.Êđê - Krĭng pla mjing durian Krông Pač, čar Dak Lak srăng lŏ dơ̆ng knăm ngă bruă pla mjing durian hơĭt kjăp leh anăn mĭn tĭng thŭn 2025 srăng hrui wĭt 7.500 êklai prăk mơ̆ng bruă anei.