VOV4.Êđê - Să Khuê Ngọc Điền, kdriêk Krông Bông, čar Dak Lak jing krĭng tlung. Prăk hrui wĭt mnuih ƀuôn sang lu mơ̆ng bruă pla mdiê leh anăn dŭm mta djam tam, hnơ̆ng boh mnga ƀiă, klei hdĭp mnuih ƀuôn sang dleh dlan. Khădah snăn hŏng klei gĭr mlih mrâo ana pla mjing, mnơ̆ng rông, ba yua klei kreh knhâo mrâo mrang hlăm bruă mkra mjing, dŭm thŭn hŏng anei, klei hdĭp mnuih ƀuôn sang mâo lu klei mlih. Sa hlăm dŭm mjeh mâo mnuih ƀuôn sang ruah hrô kơ mdiê jing ktơr mmih, lu jing mjeh mơ̆ng Mi.

VOV4.Êđê - Klei trông čhai mkŏ klei duh mkra mnia mblei boh mnga mâo ti Daknông 2023, mâo mkŏ mjing leh aguah mbrue 5/12, ti ƀuôn prŏng Gia Nghiã.

VOV4.Êđê- Aguah mbruê 4/12, Anôk bruă ksiêm duah ktơr mkŏ mjing klei ksiêm wĭt klei bi hmô hlăm hdră “Mkŏ mjing leh bi kluôm hdră pla mjing ktơr hluê si klei bi hmô dhar” ti čar Dak Lak.

VOV4.Êđê- Thŭn 2023, Anôk bruă sang čư̆ êa čar Kon Tum bi mklă pŏk ngă Hdră đru mđĭ kyar ana kphê krĭng ê’ăt Arabica ti 3 kdriêk mơ̆ng čar, mâo: Đăk Glei, Tu Mơ Rông lehanăn Kon Plông. Gru hmô anei ba wĭt leh boh tŭ dưn klă sĭt:

VOV4.Êđê- Gru hmô mtrŭt mjhar bruă ngă lŏ hma êpul êya mđĭ kyar krĭng pla kphê h’ĭt kjăp mâo pŏk ngă ti 5 čar lăn dap kngư mâo lu jơr mguôp hŏng hdră pla mjing. Klei anei đru kơ mnuih hgŭm hlăm êpul mđĭ lar bruă klam jing kdrông mkŏ, đru kơ ƀĭng ngă lŏ hma lehanăn anôk bruă duh mkra mjing kphê rơ̆ng hnơ̆ng tŭ jăk djăp hnơ̆ng čuăn, mđĭ boh tŭ yuôm mơ̆ng anôk bruă anei.

VOV4.Êđê- Hruê mbruê 17/11, ti ƀuôn prŏng Pleiku, čar Gia Lai, Anôk bruă mtrŭt mđĭ bruă lŏ hma ala čar mkŏ mjing klei kƀĭn trông “Mtrŭt mđĭ bruă lŏ hma ala ƀuôn mđĭ kyar krĭng pla mjing kphê Lăn Dap Kngư”.

VOV4.Êđê- Aguah mbruê (16/11), phung khua Anôk bruă sang čư̆ êa čar Dak Lak bi blŭ hrăm hŏng giăm 350 čô knuă druh êpul, mnuih hgŭm, bi ala kơ êbeh 194 êbâo čô hgŭm hlăm êpul mơ̆ng kluôm čar ti “Klei kƀĭn bi blŭ hrăm plah wah khua anôk bruă sang čư̆ êa čar Dak Lak hiŏng ƀĭng mă bruă lŏ hma thŭn 2023”

VOV4.Êđê-Yan boh durian 2023 ti čar Dak Lak mjưh ruê̆ hŏng boh tŭ yuôm ka tuôm mâo wăt kơ hnơ̆ng lehanăn ênoh čhĭ êbeh 15 êbâo êklai prăk, đĭ lu blư̆ mkă hŏng klei čang hmăng lehanăn đru kơ čar lŏ mâo thiăm dŭm êbâo čô ƀĭng ngă lŏ hma mdrŏng prăk êklai. Khă snăn, anei jing yan ênguôt hŏng lu anôk bruă duh mkra hrui blei ba čhĭ kơ ala tač êngao, hlăk mâo lu anôk bruă kruh rai amâo dah ba čhĭ amâo ba wĭt boh tŭ msĕ klei čang hmăng, klei anei lŏ mđĭ klei mđing uêñ hŏng anôk bruă duh mkra mta boh bŏ hŏng klei čang hmăng anei.

VOV4.Êđê- Ƀri gưl nao čhưn leh anăn nao hlăm Hruê kăm dhar kreh hiu čhưn ênguê Gia Lai 2023, Khua phŭn bruă lŏ hma leh anăn mđĭ kyar krĭng ƀuôn sang Lê Minh Hoan mâo mmông bi tuôm, bi trông hŏng dŭm anôk bruă duh mkra mjing kphê ti alŭ wăl kơ klei mđĭ ênoh yuôm kphê.

VOV4.Êđê-Wăl hdĭp mda jăk hŏng lu knơ̆ng kdơ̆ng êa phŭn pui kmlă, knơ̆ng kdơ̆ng êa prŏng, ti čar Dak Nông mâo leh lu gru hmô rông kan ba klei tŭ dưn lu kơ bruă duh mkra. Khădah snăn, dŭm klei gun kpăk kơ klei bhiăn, klei găl bi liê dôk ngă gun kpăk kơ alŭ wăl anei ba yua klei găl čiăng mđĭ kyar bruă rông kan hdang brei ênoh duh mkra lu.