Dŭm hruê anei, ƀĭng ngă lŏ hma kdriêk Čư̆ Kuiñ, čar Dak Lak mŭt hlăm yan hrui pĕ tiu thŭn 2024-2025. Tiu mâo ênoh truh giăm 160.000 prăk/kg (ênoh đĭ lu êdi tĭng mơ̆ng thŭn 2016 truh kơ ară anei) mjing boh kdrŭt kơ ƀĭng ngă lŏ hma lŏ duh lu hĭn kơ mnơ̆ng pla anei. Kluôm kdriêk Čư̆ Kuiñ ară anei mâo hlăm brô 4.700 ha tiu dôk hlăm wưng mboh, hnơ̆ng mâo kah knar êbeh 3,2 ton/ha, hnơ̆ng mâo kah knar grăp thŭn truh 15.000 ton.

Hluê si Nguyễn Cảnh Danh, Kơiăng khua Adŭ bruă Lŏ hma – wăl hdĭp mda kdriêk Čư̆ Kuiñ, čar Dak Lak, dŭm thŭn giăm anei, ênoh tiu đĭ đru leh kơ ƀĭng ngă lŏ hma hơĭt ai tiê duh kơ bruă pla mjing. Mbĭt hŏng bruă đru kơ ƀĭng ngă lŏ hma kơ hdră mnêč, bruă sang čư̆ êa alŭ wăl ăt mtă kơ ƀĭng ngă lŏ hma amâo bi kluh pŏk mlar ênhă pla, lŏ dơ̆ng mđing kơ hdră dlăng kriê wiê ênăk dŭm ênhă dôk mâo hŏng klei hơĭt kjăp./.