Khua gĭt gai Đảng lač klă: Ti anôk bi kƀĭn gưl dlông mkŏ mjing hlăm hruê 23/1 leh êgao, Anôk kriê dlăng bruă Đảng tŭ ư ruah Nguyễn Duy Ngọc păn ngă Khua hlăm Phŭn bruă kđi čar, Khua dhar bruă ksiêm dlăng gưl dlông čiăng brei mmông kơ Trần Cẩm Tú hluê ngă bruă klam hlăm Anôk kriê dlăng bruă Đảng.

Hŏng Nguyễn Duy Ngọc, Khua gĭt gai Đảng Tô Lâm mñă, jing knuă druh mâo klei thâo, dưi mjuŭt bi hriăm kluôm ênŭm, dưi mjuăt mgô, lông dlăng hlăm boh sĭt klei mâo mơ̆ng nah gŭ truh knuă druh kiă kriê hlăm Phŭn bruă kahan ksiêm, mâo Đảng, Knŭk kna jao dŭm bruă klam yuôm bhăn. Hlăm hdră mă bruă, ñu bi leh nanao bruă klam mâo kčah jao. Khua gĭt gai Đảng Tô Lâm čang hmăng lehanăn đăo knang Nguyễn Duy Ngọc amâo mdei mđĭ lar ai tiê klei đua klam, klei thâo hlăm bruă kđi čar, hrăm mbĭt hŏng phung knuă druh, mnuih mă bruă hlăm Dhar bruă ksiêm dlăng gưl dlông bi leh jih bruă klam mâo kčah jao./.