Bruă Lŏ hma leh anăn wăl hdĭp mda Dak Lak mkra mđĭ êpul mă bruă kriê dlăng
Thứ hai, 10:20, 07/07/2025
Pô mblang H'Zawut Ƀuôn Yă / VOV Tây Nguyên
Pô mblang H'Zawut Ƀuôn Yă / VOV Tây Nguyên
VOV4.Êđê- Knơ̆ng bruă Lŏ hma leh anăn wăl hdĭp mda Dak Lak mkŏ mjing Klei bi kƀĭn hưn mdah Hdră mtrŭn mơ̆ng Êpul gơ̆ng bruă ƀuôn sang čar leh anăn Hdră mtrŭn mơ̆ng Knơ̆ng bruă sang čư̆ êa čar kơ bruă mkŏ mjing, mkra mđĭ êpul mă bruă hlăm Knơ̆ng bruă, mbĭt anăn hưn mdah hdră mtrŭn ruah mdưm phung knuă druh kmeh gơ̆ng.
Knơ̆ng bruă Lŏ hma leh anăn wăl hdĭp mda Dak Lak mâo Phung khua gĭt gai: 1 čô Khua knơ̆ng bruă leh anăn 8 čô k’iăng khua knơ̆ng bruă, 4 adŭ bruă thơ̆ng, 9 anôk bruă leh anăn 19 anôk bruă kăp đru hŏng Keh răng mgang, mđĭ kyar dliê leh anăn wăl hdĭp mda, Adŭ bruă gĭt gai krĭng ƀuôn sang mrâo.
Hlăm klei bi kƀĭn, khua gĭt gai knơ̆ng bruă mđup brei leh hdră mtrŭn ruah mdưm khua, k’iăng dŭm adŭ, anôk bruă kñăm bi leh êpul mă bruă, rơ̆ng srăng ngă bruă klam phŭn hlăm wưng kơ anăp. Nguyễn Minh Huấn – Khua Knơ̆ng Lŏ hma leh anăn wăl hdĭp mda Dak Lak mñă klă brei bi mlih klei mĭn, hdră msir mă bruă, ksiêm dlăng bruă klam, hdră mă bruă dŭm hnơ̆ng kčah mơ̆ng dhar bruă, hdră kčah, hdră bruă čiăng hlue ngă hlăm wưng kơ anăp.
Viết bình luận