Tui si hdră, aguah 19/8, čar Gia Lai mphŭn rŭ mkra êlan êdeh phiơr trŭn mrô 2 hlăm tač êdeh phiơr Phù Cát. Hŏng ênoh bi liê jih jang êbeh 3.200 êklai prăk, mkra mơ̆ng thŭn 2025 - 2028 kñăm mđĭ hĭn klei dưn yua jăk tač êdeh phiơr, djŏ hŏng ênoh čuăn mrâo, mtrŭt mđĭ bruă duh mkra mnia mblei hlăm alŭ wăl.

Hrue anăn mơh, čar Gia Lai ngă knăm bi leh êlan dar nah dhŭng wăl krah Phú Phong (ară anei jing ƀuôn hgŭm Tây Sơn hŏng boh taih giăm 18 km, hŏng ênoh duh bi liê giăm 800 êklai prăk, rŭ mkra mơ̆ng mlan 8/2022; bi leh mkra êlan dơ̆ng čar mrô 638 truh kơ êlan ktue hang ksĭ (ĐT.639), boh taih 19 km, hŏng ênoh bi liê jih jang 800 êklai prăk. Dua bruă mkra êlan anei đru bi hrŏ klei ktrŏ kơ êlan dơ̆ng prŏng mrô 19, bi hrŏ boh kbưi klei dŭ mdiăng mnơ̆ng, mâo klei dưi mkŏ hŏng djăp krĭng, mđĭ kyar bruă hiu čhưn ênguê, lehanăn đru bi răng kriê pưk sang, ngăn dŏ mnuih ƀuôn sang hlăm yan hjan angĭn êbŭ./.