Klă klơ̆ng, ti čar Gia Lai mâo 674 boh sang jhat rai čiăng lŏ mdơ̆ng, lu jing kyua hmăi mơ̆ng angĭn êbŭ mrô 13. Jih jang sang čiăng mdơ̆ng mrâo mâo lŏ kơrŭ wĭt. Hlăm anăn, 451 boh sang bi leh amâodah dơ̆ng bi leh. Ênoh sang adôk lu hlăm dŭm wăl anôk dôk mrâo, anôk ala mprăp leh leh anăn dôk pŏk ngă rŭ mdơ̆ng. Gia Lai ƀuăn rơ̆ng bi leh jih jang sang mkra mrâo êlâo hruê 25/1/2026.

Kơ bruă mkra mđĭ sang dôk, kluôm čar mâo 31 êbâo boh sang brei hlue ngă. Truh ară anei, giăm 90% bi leh. Adôk srăng dưi msir bi leh hlăm mlan 12/2025 leh anăn bi leh êlâo hruê 15/01/2026. Hnơ̆ng dưi lač jing pral snăk. Khua Knơ̆ng bruă sang čư̆ êa čar Gia Lai brei thâo klei anei dưi mâô kyua klei ngă bruă pral leh gưl angĭn êbŭ 13, čar yua leh hdră msir lăm lui sang tĭ, ƀrôč kơ dŭm gŏ êsei lucc liê, amâo luč wưng mkŏ mjing klei bhiăn mrâo. Čar Gia Lai rơ̆ng klei găl mơ̆ng prăk knŭk kna Gưl dlông mkăp leh, hŏng klei găl ala ƀuôn kyua dŭm êpul bruă, phung đru mguôp kơ Bruă mặt trận čar kwar Việt Nam leh anăn dŭm phŭn mguôp mkăn. Êngao kơ klei găl ngăn prăk, Êpul lĭng kahan leh anăn Kahan ksiêm mâo bruă klam kmeh gơ̆ng hlăm klei đru rŭ mdơ̆ng, mdơ̆ng sang, dŭ mdiăng mnơ̆ng dhơ̆ng mkra mjing.